Spaghetti wires tourist distraction
IYO ANTOY - Antolin dela Serna (Banat) - August 25, 2020 - 12:00am

Ang mga Sugbuanon dugay na kaayong nagtinguha ug nangandoy nga kining problema sa mga spaghetti wires kahatagan na unta og kasulbaran. Porbidang ngil-ara gyud.

Niining panahon sa pandemic, diin ang mga senior citizens gipapuyo na lang sa balay kay matud pa, vulnerable kaayo niining pagpanako sa coronavirus.

Imagine, kapin na sa lima ka bulan wa koy gawasgawas sa balay. Gikapoy na ko. Hilabihan ka boring. Ug ang usa sa akong gikalingawan mao ang pagtan-aw sa mga lilas sa NETFLIX. Hapit na mahurot ang mga movies niini, ang uban ako na lang gibalikbalik.

Ug maoy akong namatikdan nga sa mga dakbayan, ma-gamay o ma-daku, nga gihimong sentro sa sugilanon, ma-Asian o ma-Western countries, wa man ko kakitag mga spaghetti wires nga nagtabyug-tabyog sa kadalanan. Onli in da Pilipens?

Dinhi sa atong dakbayan gilusad  na usab ang gitawag nga Spaghetti Wires Eradication Program.

Nindot. Hinaut nga magmalampuson kita niini karong panahona. Ila gyud unta kining tinud-on. Kon mahimo kanang naghugawhugaw sa atong panan-aw, multahan.

Matud ni Konsehal Jerry Guardo, chairman sa Technical Infrastructure Committee sa Konseho, nga bisag asa kuno ta mosuroy sa dakbayan, gubot kaayo ang mga alambre. Hugaw kaayo ang palibot. Bitaw! Mao ra man kini nga kabahin na sa atong pagpuyo niining nasura. Dili na man gani kita makakita sa maong mga spaghetti wires. Tuyo niini, matud pa: “would clear tangled, dead, and drop wires.”

Giingon nga at least, adunay napulo ka mga telecommunication ug utility companies ang mosalmot niining maong programa. Dapat na lang. Sila ang naghugawhugaw, kinahanglan sila usab ang manglimpiyo niini. Kon buot hunahunaon, dili unta sila maghuwat nga ang gobyerno sa dakbayan maoy mo-take sa initiative.

Ug matud ni Guardo walay gasto ang dakbayan niini nga proyekto. Sa ako nang giingon, ang mga telcos man maoy naghugawhugaw, sila usab ang mogasto pagpanglimpiyo niini.

* * *

Revolutionary government? Adunay pundok nga nanawagan pag-deklarar og revolutionary government (RevGov) sa tibuok nasud. Apan ang Palasyo mi-distansiya dayon gikan niining maong kampanya, nga matud ni Sec. Harry Roque, tigpamaba sa Malacañang, nga ang mga nagpasiugda niini, adunay kagawasan pag-express sa ilang opinion.

Sa iyang pamahayag atubangan sa media, si Roque nagkanayon: “The government is focused on addressing the COVID-19 pandemic and mitigating its socioeconomic impact.

The most pressing and most urgent concern, which requires the Executive’s full attention, is the gradual opening of the economy while safeguarding the people who are working/going back to work amid the pandemic.”

Bitaw! Akong tan-aw, dugay-dugay pa nga makig-ban pa uban kanato ang coronavirus. Wa pay klaro kon kanus-a gayud ma-available ang bakuna nga mopatay sa virus.

So, gumikan niini, hilabihan ka-busy sa atong nasud pagbatok sa coronavirus, unya, mag-revolutionary government kita?

Sa iyang bahin si Domingo Egon Cayosa, national president sa Integrated Bar of the Philippines (IBP) namahayag nga “such a bid was unconstitutional and lacked a legal basis. A revolutionary government is repugnant to constitutionalism. It should be discouraged and denounced, as we do now.

There is no legal, factual, practical or moral basis for a revolutionary government under the present circumstances.”

Sa iyang bahin si Senador Panfilo Lacson, nagkanayon: “Dapat huwag patulan.”  Ikaw, unsa man?

TOURIST
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with