Nahadlok pa sa bakuna?
BALITAHOM - Atty. Jose Marie N. Poblete (Banat) - August 23, 2020 - 12:00am

Namulong ang Food and Drugs Administration (FDA) nga wala pa’y pharmaceutical nga nangayo’g pagtugot alang sa pagpahigayon og “clinical trials” sa nadiskobre’ng bakuna sa COVID-19. Una na’ng mipadayag ang Presidente sa iyang kaandam pagsuway sa bakuna gikan sa Russia, apan wala’y lain’g gibaniog nga miboluntaryo duyog kaniya. Lab-as pa sa panumduman ang nahitabo sa bakuna’ng Dengvaxia. Matud pa bitaw ni William Kingdon Clifford, “Sayop kanunay, bisan asa ug kang bisan kinsa nga motoo sa mga butang nga walay igo’ng ebidensiya”.  Baya no!

Basin magmingaw ang pasko

Ang Komitiba sa Transportasyon sa Kongreso mihangyo  nga pagatugtan na nga mopadayon sa ilang operasyon ang mga “habal-habal”.  Tuyo sa Komitiba nga mabuhi pagbalik ang ekonomiya pinaagi sa suporta sa sektor sa transportasyon. Nagsingabot na baya ang Pasko. Angay nga repasohon na sa mga awtoridad ang mga lagda sa kwarentinas aron mahidangat na kita sa Bag-ong Normal.  Kon walay kausaban sa mga lagda, atol sa Pasko, ang anaa sa gahum lang unya ang moawit og “Joy to the World”, samtang ang katawhan maga-awit lang intawon og “Silent Night”.  Madahaan!

Gipadayag lang ang tataw

Segun sa survey sa SWS sa miaging buwan, 40% sa mga Pilipino ang nagtuo nga modailos ang kalidad sa atong pagkinabuhi ug 26% ang nagtoo nga kini mouswag, sa umaabot nga tuig.  Gipadayag sa survey ang dili na angay tuki-on kay lagi ang kinabuhi sa tawo, Mouswag ra man o ba kaha Maut-ot? Sama ra kini sa lain’g survey nga nagkanayon, “Siyento por siyento sa mga tawo nga moinom ug tubig, mamatay” ug lain pa’ng resulta nga nag-ingon “Tulo sa upat ka tawo maoy naglangkob sa 75% sa atong populasyon”.  Pagkatoytoy!

LSI lang gihapon

Matud pa sa tahô, aduna na’y 1,106 ka mga Locally Stranded Individual (LSI) sa dakbayan sa Sugbo ang napahigayon sa pagpapauli ngadto sa ilang mga probinsya ubos sa programa nga gipahigayon sa Probinsya sa Sugbo.  Sa ilang pagpauli, nalibkas na ang ilang pagka-LSI dinhi sa Sugbo.  Apan tungod sa gipatuman nga liquor ban ubos sa GCQ, mahimo gihapon silang tawgon, lakip na ang ubang hingtungdan, nga mga LSI, nga buot ipasabot, Liquor – Starved Individuals.  Tagay na!

COVID batok dengue

Base sa talaan sa DOH Central Visayas – RESU, menos ang kaso sa dengue sa Rehiyon 7 sukad niadtong Enero 1 hangtod sa Agosto 15, 2020 kon itandi sa samang higayon sa tuig 2019. 

Tungod ba kaha sa COVID-19, mora’g gilimo-limo ra sa DOH ang katawhan. Kay lagi ang talaan nagpadayag nga aduna’y 1,176 ka kaso sa Cebu City, diin pito (7) niini ang namatay.  Ang pagpamenos sa DOH-7 sa balatian nga dengue nakapahinumdum sa linya sa awit ni Susan Fuentes nga nagkanayon, “Wala na’y bili (umoy) bisan diyotay kining balatian (nga dengue)”.  Saoonz!

FDA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with