Mosugot kaha ang mga magbabalaud nga us-osan ang ilang sweldo ug allowances?
IYO ANTOY - Antolin dela Serna (Banat) - August 22, 2020 - 12:00am

Gumikan niining atong kahimtang karon, diin ang  nasud nga Pilipinhon nag-agunto sa tumang kalisud, gawas sa mga sakop sa Kongreso, mga cabinet secretaries, ug ubang kadagkoan sa kagamhanan, ug dagkong negosyante, adunay mga sugyot nga pakubsan by 50%  ang mga sweldo sa mga Representante ug mga Senador. Mosugot

Isip mga patriotic (unta) nga mga sulogoon sa lungsod, dili unta nila ihikaw kining gihangyo ug gipangamuyo sa lungsod. Mosugot kaha sila niini? Hinuon, kon usa ako karon sa mga senador o representante, mo-think sa tingali kog makadaghan kon mosugot ba ako niining maong sugyot ug hangyo.

Sa labing uwahi nga survey sa Social Weather Station (SWS) atong mabasa nga sa “eight out of ten Filipinos believe their lives got worse in the past 12 months.

The July 3 to 6 poll found 79 percent of Filipino adults saying that their quality of life worsened compared to a year ago (called “losers” by the SWS) and eight percent saying it got better (“gainers”).”

So, mao kini ang atong kahimtang karon. Unsa man, ang atong mga sakop sa Kongreso mangiyugpos ug manghinan-aw lang?  Of course, dili ni ilang sala nganong naingon kita niini karon.  Ang PSA kon Philippine Statistic Authority namahayag nga sa miaging Hunyo, ang nasud nakasinati og record-high nga unemployment rate, ug sa pagka-Abril, mikabat na’balig 7.3 milyon ka Pinoy ang nawad-an og trabaho. Resulta, of course sa pandemic, diin ang tanang sector sa katilingban naapektohan.

Apan matud pa, adunay gamayng hut-ong sa katilingban ang wala maapektohi sa atong kalisod karon: ang mga politiko nga naghupot og mga dagkong katungdanan sa kagamhanan. Of course, ang ilang mga sweldo ug mga dagkung allowances wala maapektohi sa pandemic.

Atong kauban ug higalang maglilindog sa The Freeman, si Bobit Avila nangutana: “So, when will we hear of a senator or congressman making a decision to accept only half his official salary, and use the other half to fight the Covid-19 virus? Frankly speaking I doubt if this would happen. Remember how I wanted the Senate to stop their P6.9-billion building, which they started only last February? No one cared to stop it.”

Mao ba? Ingon niini ka walay kasingkasing ang atong mga senador nga kon maminaw kita sa ilang mga pakigpulong hilabihan kalapad ang ilang mga kasingkasing nga nag-uros-uros sa dakung gugma ngadto sa katawhan.  Ang ilang pagpakabana ug paghigugma sa yutang natawhan, dili hilabwan ug dili kadudahan, dili ma-kwastiyon.

Nakakita man ta sa perspective sa gilaraw nga P6.9-billion nga Senate building, hilabihan ka luho, lupig ang mga palasyo sa mga hari sa Saudi Arabia.

Tiaw moy 6.9 bilyon ka pesos? Kadaghan ining kwartaha, taliwa sa atong kalisod karon.

Kon tinuod nga ilang gipadayon ang pagtukod niini, pagkawala nilay puangod ug pagka-wala nilay kaulaw.

Pila na man unta ka isolation center ang matukod ining kwartaha? Pila na man ka sakong bugas ang maapud-apod ngadto sa gipanggutom nga mga Pinoy sa tibuok nasud?

Ang hagit: Kinsa man sa mga magbabalaud ang mouna pag-volunteer pagpa-us-os sa ilang mga sweldo?

KONGRESO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with