^

Banat Opinyon

Bugtong luha

MGA LAMAS SA KINABUHI Pagpamalandong alang sa Malangkubong Kaayohan Hinikay - Reynaldo T. Cui - Banat

Ning panahon sa pandemiya usahay isud ang pag-inusara labina kun may gibati ka. Ang maong gibati kun imong solohon magdala kanimo ngadto sa hilabihang pagkahugno. Ang uban man gani mag-ampo na lang sa grasya sa sayong kamatayon.

Ang paghilak dili pugngan. Ang kasuko mas maayo ipagawas. Ang pagmahay mahimong sa nawong ipabathay. Kini mga normal nga bation sa usa ka normal nga tawo ning panahon sa dakong kalisdanan.

Mao nga ning panahon nato karon bugtong luha ang atong mapatulo ug bugtong luha ang mahimo natong paagi sa pag-ampo. Pamaagi kini aron sa ingon mamahimong mas dulot sa atong bukog ug kahiladman ang tanan nga atong nasinati karon ug kining tanan atong dad-on ngadto sa altar sa Dios.

Ang paghilak ug pagngaab wala magpasabot og katalaw ug kahuyangan. Hinunoa ang paghilak nagdapit kanato sa pagpadayag sa atong pagka matinud-anon sa atong kaugalingon ngadto sa Dios ug sa tanan nga nia sa atong palibot.

Pasabot lamang kini nga dunay mga hitabo nga halayo sa atong mahimo. Dunay mga panghitabo nga lisud kaayo nato sulbaron sanglit ang bugtong paagi mao lamang ang pag-angkon nga usahay kita dunay limitasyon.

Apan dunay mga tawo mopasiatab nga sila makahimo pa bisan kun sa tinud-anay lang tataw na kaayo ang ilang kapakyasan. Ang ilang nagtakuban nga kalig-on ginamit ang mga aroganteng pulong ingon man ang mga mahudlaton ug mga pagbugalbugal nga kantalita ngadto sa mga kaatbang ug ni bisan kinsa nga supak sa ilang baruganan. Usahay nahimong dunay panagsumpaki ang tanan nilang mga gipamulong.

Mahimong moingon ang unang pamahayag og “Dunay mahimo ang among liderato samtang sa laing pamahayag, inutil ko nianang butanga!” Ug kun mahimong scripted man ang paghilak aron pagkawhat sa kaluoy sa kinabag-an, mahimo man tingaling motibi bisan sa sinugdanan agig pag-angkon sa atong kahuyangan.

Kuyog niini ang pagtak-op sa mga ganghaan nga mopasulod sa mga langyaw nga dagasangan kaniadto pa. Kay kun nahitabo kini kaniadto pa basin pa lamang ug ang kahugnoan ug kasakitan malikayan pa.

Kay ning panahon sa dakong panglimbong bisan ang pamahayag nga kini siya ang pinili sa Dios aron maoy mosunod sa mga lakang sa iyang gisundan mahimong kadudahan kay bisan gani ang panalangin nga alang unta kang Esau nasakmit man ni Jacob ginamit ang pagpanikas! Ang nakatabang ni Esau aron siya makapadayon sa iyang panaw bisan sa kalisud mao lamang ang paghilak ug pagdangoyngoy atubang sa iyang tigulang nga amahan nga si Isaac.

COVID-19

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with