Luwas nga trabahoan
AMBOT LANG - Gerry Auxilio (Banat) - August 13, 2020 - 12:00am

Tungod kay balik na ta sa general community quarantine (GCQ), mituyhakaw na usab og balik ang negosyo. Kay mibalik na man sa pagtuyhakaw ang negosyo sa Sugbo ilabi na sa gitawag og tri-cities nga gilangkoban sa dakbayan sa Sugbo, Mandaue ug Lapu-Lapu, gibaliik na usab sa pagpatuman ang Project Balik Buhay (PBB) nga gipasiugdahan sa buhatan ni Secretary Mike Dino ug gisuportahan nila ni Mayor Edgardo Labella, Jonas Cortes ug Junard Chan.

Rombo sa pagbalik sa PBB mao ang papil sa pribadong sektor nga mibalik na sa pag-abli sa ilang mga negosyo ug ang pagpatuman sa calibrated, scientific ug evidence-based nga transisyon gikan sa GCQ to MGCQ nga status. Mahinungdanon kaayo ang PBB alang sa pagpanalipod sa mga kawani ug mga kustomer sa mga negosyo batok sa COVID-19. Bisan tuod og makagasto ang mga kawani ug negosyante sa pagsunod sa lagda sa PBB apan mas maayo na lamang kini kay sa matakdan og COVID-19.

Si Secretary Roy Cimatu, Cebu overseer, mipahibawo nga ang Inter-Agency Task Force ug Office of the Presidential Assistant for the Visayas (OPAV) mag-uban sa ilang trabaho sa pagpatuman sa Project Balik Buhay (PBB) nga maoy sundon sa mga mihinay-hinay na og abli nga mga negosyo ug komunidad.

Girekomendar man gud sa mga magpapatigayon nga nakakita maayong epekto sa PBB sa natad sa ekonomiya maong ilang giduso ngadto sa Inter-Agency Task Force ang pagsagop sa proyekto.

Ubos sa PBB gihugpong ang tri-cities aron pahugtan ang pagpakigbatok sa coronavirus ug mapanalipdan ang komunidad, mga kawani ug kliyente sa mga negosyo pinaagi sa estriktong pagsunod sa mga health protocols nga gipatuman sa health authorities sama sa pagpaubos sa swab o PCR Test sa mga kawani sa dili pa sila pabalikon sa ilang trabaho .

Ang PBB gasto lamang matud pa sa iyang mga kritiko. Apan unsa man ang imong palabihon ang gasto o ang proteksiyon sa imong kaugalingon batok sa mananakod mga virus? Dapat segurista ka.

GCQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with