Misteryosong bakuna sa Russia
ARANGKADA - Leo Lastimosa (Banat) - August 13, 2020 - 12:00am

Bisan wa pay napakita ang Russia nga dokumento sa pasiunang mga pagtuon ug resulta sa clinical trials sa ilang giangkon nga labing una nga bakuna batok sa Covid-19 nga ginganlan og Sputnik-V, sangay sa unang artipisyal nga satellite nga gipalupad sa kanhi Unyong Sobyet sa kawanangan niadtong 1957, nitumaw na ang pasiunang kasayuran sa misteryusong bakuna.

Ang bakuna nga gimugna sa Gamaleya Research Institute of Epidemiology and Microbiology sa Moscow may duha ka bahin nga pulos nanukad sa mga kagaw nga makamugna sa sip-on: ang adenovirus 5 ug adenovirus 26.

* * *

Ang paagi sa Gamaleya susama sa nag-unang mga kandidato nga bakuna sa ubang kanasuran: Ang AstraZeneca ug University of Oxford sa Britanya nigamit sa adenovirus sa unggoy; ang CanSino Biologics Inc. sa China nipasikad sa ilang bakuna sa adenovirus 5; ug ang Johnson & Johnson nigamit sa adenovirus 26.

Nabalaka hinuon ang pipila ka eksperto sa paggamit sa adenovirus 5. Kay gihunong ang paggamit ini niadtong 2007 sa vaccine trial sa HIV, ang kagaw nga mosangpot sa AIDS, kay nakaplagan nga inay mobadlong nipasamot na hinuon sa kahigayonan sa tinakdanay.

* * *

Nabisto sab nga 38 ka tawo ang nabakunahan ginamit ang adenovirus 26. Apil sa gibakunahan ang mga negosyante ug mga politiko sa Russia ug usa sa mga anak nga babaye ni Russian President Vladimir Putin. Human sa tulo ka semana, gibakunahan sila sa adenovirus 5. Wa pa imantala hangtod karon ang sangpotanan sa pagtuon.

Ang mga sundawo sa Russia maoy nihingpit sa Phase 2 sa clinical trials niadtong Hulyo. Ang registration certificate sa Ministry of Health sa Russia nagpakita nga 76 ra ka tawo ang nabakunahan.

* * *

Nangangkon si Putin nga nagsugod na ang pagpamakuna sa ilang mga molupyo nga labing nameligrong matakdan sa Covid-19, apil nang health workers ug senior citizens. Gitakdang magsugod ang lapad nga produksiyon sa bakuna sa sunod buwan.

Apan nisukwahi sa pasigarbo ni Putin ang mosunod: Ang registration certificate nagpakita nga unya pa sa Enero 2021 magamit ang bakuna; 1.5 milyones ra ka bakuna ang mahimo sa Russia matag tuig; ug di magamit ang bakuna sa gawas sa Russia kon way buwag nga pagtugot sa Pilipinas ug ubang kanasuran.

leo_lastimosa@abs-cbn.com

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with