EDITORYAL - Pangagpas nga makabangon
EDITORYAL - Pangagpas nga makabangon
(Banat) - August 12, 2020 - 12:00am

Kinahanglang mangita og paagi ang gobiyerno nga makabangon og dali ang ekonomiya sa nasud kung dili niini buot mogasto og dako batok sa novel coronavirus disease response.

Kay gustohon man niini o dili, mapugos ang gobiyerno sa pagpagawas og kwarta, dili lang para sa galamiton batok sa COVID-19 kondili pangsuporta sa katawhan kansang panginabuhian naapektahan tungod sa pagkahagsa sa ekonomiya.

Matud pa nga sukad nga nitugpa ang pandemiya dinhi sa nasud, moabot sa P680 bilyones sa ekonomiya ang nahagsa, sumala pa sa report sa Philstar.com.

Tungod sa pandemiya, daghang mga negosyo ang nanirado human nga gipatuman ang nagkadaiyang mga lockdowns.  Ug karon, kining bag-o nga pagbalik ngadto sa modified enhanced community quarantine sa Metro Manila tungod sa pagsaka og balik sa mga kaso, dili makatabang sa tinguhang makabangon og dali ang ekonomiya sa nasud.

Apan  bisag tipuon pa ang pundong gipagawas alang sa Bayanihan We Heal as One ug kining bag-o nga Bayanihan We Recover as One dili makasapar sa nawala nga P680 bilyones sa ekonomiya sa nakalabay nga unom ka buwan ning tuiga.

Giingon nga ang ekonomiya sa Pilipinas maoy kinalawman og gihagsaan  kun itandi sa mga silingang nasud sa Southeast Asia.

Ang Fitch Ratings miingon nga ang macroeconomic management sa gobiyerno maoy nagpalig-on sa pangagpas niini nga makabangon.

Apan mipasidaan ang Fitch nga lisud unya pugngan ang paggasto batok sa pandemiya kun padayong naipit ang ekonomiya ug hinay ang pagbangon ug dili mahaom sa pangagpas sa gobiyerno.

Usa karon sa gitimbang-timbang sa gobiyerno ang kabahin pagpadayon sa tinguhang mapakgang ang pagkatap sa virus, apan kinahanglan niining mapatuyok og balik ang ekonomiya.

Mahimo lamang kini kun ang katawhan mosanong sa mga gipatumang health protocols nga dili na kinahanglang bantayan pa o ipaubos sa mga higpit nga lockdowns.

Apan kinahanglan nga mogasto ang gobiyerno aron ang suportahan ang katawhan sa batakang panginahanglan samtang nagsugod og bangon ang ekonomiya.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with