EDITORYAL - Social media i-regulate
EDITORYAL - Social media i-regulate
Ian B. Melecio (Banat) - August 6, 2020 - 12:00am

Human sa pagpasar sa kontrobersiyal nga anti-terrorism law sa miaging buwan bisan sa lanog nga pagsupak sa mga human rights advocates tungod sa mga probisyong ilang gihulagway nga nakalapas sa Konsttusyon, duna karoy planong hasta ang social media i-regulate na sab.

Ang plano gikan mismo sa bag-ong gitudlong pangulo sa Armed Forces of the Philippines (AFP)  nga si AFP Chief of Staff, Lt. General Gilbert Gapay sa rason nga gigamit ang social media sa mga terorista ug pagtudlo og terorismo ug radikalismo.

Ang maong balaod kun ipamugos gyud sa pagpasar diha sa Kongreso siguradong moani sab og mga pagsupak. apan sama sa pagsupak sa anti-terror law, mapadung lang kini sa wala.

Ubos sa administrasyong Duterte, diin mayoriya sa mga magbabalaud iyang mga kaalyado ug ang uban misuporta sa iyang mga programa ug polisiya, dako ang purohang mapasar sab kini.

Tinuod aduna gyud untay limitasyon ang demokrasya o kagawasan sa pagpadayag, apan kinahanglang tanawon sab nga maprotektahan sa estado ang kagawasan sa katawhan niini nga makapadayag og mga kasagmuyo ug reklamo kun dunay mga iregularidad o kahiwian ang gobiyerno.

Tungod kay sensitibo kaayo ang mga tawo bahin sa kagawasan sa pagpadayag mamahimo mang amendahan ang kasamtangang Anti-Cyber Crime Law, Anti-Wire Tapping Law pahaom sa panginahanglang mapahugtan ug mamahimong epektibo ang AFP o PNP ug tanang law enforcement units sa nasud batok sa tanang hulga.

Ang paghimo og mga regulasyon mamahimong  maabuso sa mga abusado o gustong moabusar aron tabunan ang ilang mga hiwing binuhatan.

Tungod kay kun wagtangon ang katungod sa mga tawo nga makapagawas sa ilang kasagmuyo batok sa gobiyerno, unsa man klasehang demokarasya ang mapasa sa mosunod nga mga henerasyon?

Ang seguridad sa nasud dili lang tahas sa gobiyerno kondili responsbilidad sab kini sa katawhan. Imbes nga ipiton ang mga netizens sa mga regulasyon, mas labing maayo nga gamiton sa gobiyerno ang social media batok terorismo ug radikalismo.

SOCIAL MEDIA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with