Hiniusang krusada maoy importante
SAKSAK SINAGOL - Lucky P. Malicay (Banat) - August 5, 2020 - 12:00am

Milukso na usab ang Metro Manila ug mga kasilinganang lugar paubos sa modified enhanced community quarantine o MECQ tungod sa grabe nga pagsaka sa mga kaso sa coronavirus disease o COVID-19 didto.

Mitilaw na unta og general community quarantine ang National Capital Region human milurang ang mga kaso sa COVID-19 tungod sa hugot nga pagpatuman sa health protocol diin napugos paglumlom sa panimalay ang kadaghanan.

Apan sama sa nahitabo dinhi sa Sugbo sa nakalabay’ng bulan, kumpiyansa ang tanan didto. Sa dihang gideklara ang GCQ didto, dayong panggawas sa panimalay ang kinabag-an bisan pa sa pabiling risgo sa COVID-19. Mora ba’g mga kabayo nga nakagawas sa kwadra.

Kini usab ang hinungdan ngano nga misulbong pagbalik ang mga kaso sa maong balatian didto. Gani, dili ikalalis nga ang kampanya batok sa coronavirus disease nakasentro na sa Metro Manila, ug wala na dinhi sa Sugbo.

Karon, mipiyait na ang mga doctor, nurses ug ubang health workers sa kaulohan tungod sa hilabihan nga pagsaka sa kaso da COVID-19 didto nga dili na kuno nila maato pag-atiman. Ug gusto nila nga ibalik ngadto sa ECQ ang NCR.

Adunay pipila kanila ang mi-demand nga undangon usab sa kagamhanan ang paggamit sa militar sa krusada batok COVID-19 kay dili kuno kana ang solusyon sa nagkadako nga problema sa coronavirus.

Apan wala makauyon niini si Presidente Rodrigo Duterte. Dili na kuno makatugot pa og bag-ong ECQ ang Metro Manila tungod kay siguro nga mapildi gayud ang ekonomiya sa nasud. Ilabina ning panahon nga nahubsan na sa salapi ang kagamhanan.

Gikapoy na kuno ang mga doctor, nurse ug uban pa sa ka daghan sa pasyente nga ilang atimanon. Sa laing bahin, ang nakita sa kagamhanan nga solusyon mao ang pag-hire og dugang mga doctor ug nurse alang sa kampanya batok COVID-19.

Lainlaing og solusyon ang nakita sa mga health workers ug kagamhanan. Ambot kun nganong naabot sa ingon niini nga punto. Dili kini maayong tilimad-on gumikan kay nagpasabot kini nga walay kasulbaran sa problema kun walay kahiusahan.

Walay lain nga mas hanas nga makigbatok sa coronavirus disease kondili mismo ang mga health workers. Mao gani nga gitawag sila nato og mga frontliner. Apan niining maong kampanya ang kagamhanan mao ang direktor. Mao nga importante kaayo ang hiniusang krusada.

MECQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with