Adto na sa Mars
AMBOT LANG - Gerry Auxilio (Banat) - August 4, 2020 - 12:00am

Nag-una sa listahan sa mga tawo sa kalibotan ang mga Pinoy nga gustong makabiyahi didto sa planetang Mars. Dili lang usa, gatos ug libo ang mga Pinoy nga gustong moadto sa Mars kun dili sobra sila sa usa ka milyon.

Para klaro, alas 9:20 sa buntag niadtong Hulyo 31, 2020 ang National Aeronautics and Space Administration o NASA nakadawat og 1, 219,358 ka mga pangalan nga gikan sa Pilipinas. Ang Pilipinas gisundan kini sa Amerika nga adunay 143,518 ug India nga adunay 125,799.

Gawas sa tulo ka mga nag-unang kanasuran, gisundan usab sila niining mga mosunod:  Brazil, 107,395; Mexico, 56,454; United Kingdom, 49,553; Thailand, 47, 833; Italy, 36,481; Bangladesh, 27,675 ug Indonesia nga adunay 26,374.

Sa kinatibok-an ang NASA nakadawat og 2,223,453 ka mga pangalan nga nagpareserba alang sa ilang pagbiyahi sa planetang Mars. Ang NASA nagpahigayon og programa nga Send Your Name to Mars diin ang matag usa sa kalibotan gitugotan nga makalupad ang ilang pangalan sa umaabot nga misyon niini sa puwang planeta nga Mars.

Buot ipasabot niini dili pa tawo ang pasakyon sa NASA sa ilang paglupad paingon didto sa Mars kun dili ang mga pangalan pa lamang sa mga tawo nga nagpareserba.

Alang niadtong gustong pabiyahion ang ilang pangalan didto sa puwang planeta sa Hulyo 2026 nga misyon sa NASA poyde kining maka sign up sa mars.nasa.gov/participate/ send-your-name/future.

Seguroa lang ninyo ug pag-ampo mo nga buhi pa mo sa tuig 2026 aron madayon ang pag-adto sa inyong pangalan sa Mars.

Sa dili pa diay ko malimot, ang pinakaulahing misyon para sa Mars nga Perseverance Rover gipalupad diay sa NASA niadtong Hulyo 30, 2020 didto sa Cape Canaveral Air Force Station sa Amerika nga adunay sakay nga 10.9 milyon ka mga pangalan. Ang maong misyon gikatakda kini nga motugpa sa Mars unya sa Pebrero 18, 2021. Ang Perseverance Rover kabahin kini sa long-term robotic exploration program sa NASA para sa Mars nga diin ang tumong ug tuyo mao ang pagtubag sa pangutana nga mabuhi ba ang tawo sa Mars.

Sa mga pangalan nga gustong moadto sa Mars, palista na mo.

PINOY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with