EDITORYAL - Wa nay COVID-19 kay GCQ na?
(Banat) - August 1, 2020 - 12:00am

Sugod karong adlawa gipaubsan gikan sa modified enhanced community quarantine ngadto na sa general community quarantine ang dakbayan sa Sugbo. Kini tungod sa nakitang pagkubos sa gidaghanon sa mga bag-ong natakboyan sa maong sakit.

Nakatampo sab niini ang pagsanong sa mga tawo sa health protocols sukwahi sa unang pag GCQ niadtong buwan sa Hunyo nga diin daw mga kabayong nakabuhi sa toril ang mga tawo ilabi na diha sa mga kabarangayan.

Karon nag GCQ na, mas gikinahanglan sa tawo nga mosunod sa health protocols tungod kay mas modaghan unya ang mga tawong manggawas sa panimalay aron manginabuhi.

Kadtong mga manginabuhi o mobalik sa trabaho, kinahanglang magdoble gyud sa pag-amping tungod kay kinsa man ang nakasigurong ang tanang nabalik sa trabaho dili carrier sa novel coronavirus disease (COVID-19)?

Karong panahona, dili na unta magpabaya ang mga barangay officials sa ilang responsibilidad tungod kay dako sila og papel pagkontrolar sa pagkatap sa sakit diha sa ilang komunidad.

Niadtong nag GCQ sa bulan sa Hunyo, daghan sa mga tawo diha sa kabarangayan ang wala na mosunod sa health protocols, ang ubang gibadlong mipatuo apan duna gyuy mga mamilosopo pagtubag nga miingon “wa nay COVID karon kay GCQ na.”

Dako kining sayop, kinahanglang dili lang kutob sa estorya ang buhaton sa mga otoridad sa barangay kondili molihok gyud sila sa pagbadlong sa mga tawong dili mopatuo.

Dili mahimong mosalig lang sila nga “nakahibalo” na ang mga tawo sa health protocols tungod kay duna gyuy mga residente nga bisan nasayod sa protocols ug hulga, dili lang gyud magpakabana para sa uban.

Ang DILG miingon nga dako og papel ang mga barangay officials aning pagkontrolar sa pagkatap sa COVID-19. Maayo unta og dili nila kini kalimtan karon nga nabalik na sa GCQ ang quarantine level sa dakbayan.

Angay hinumdoman nga bisan nag GCQ na, o bisan wala nay quarantine apan wala pa gihapoy bakuna batok sa COVID-19  nagpabilin ang hulga niini sa katawhan. Health protocols lang ang panagang.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with