Walking time bomb!
RENBOR PATROL - Rene U. Borromeo (Banat) - August 1, 2020 - 12:00am

Nindot kaayo ang nahimo sa kapolisan nga pagdakop sa most wanted person sa atong nasud nga mao si PBMA lider Ruben Ecleo Jr.

Niadtong wa kaayo makasinati sa iyang dagway, maglisod na pag-ila kaniya tungod kay tungod sa pangedaron, medyo nausab na ang iyang hitsura ug hapit na maupaw ang iyang buhok.

Kon imo siya nga ikasugat ug ika-estorya, tug-anan ka niya nga siya mao si Emmanuel Riberal, ug dili si Ruben Ecleo Jr. nga gipangita tungod kay nakonbikto sa kasong parricide pagpatay sa iyang asawa.

Gawas sa kasong parricide, nakonbikto usab si Ecleo sa kaso nga paglapas sa Anti-Graft and Corrupt Practices Act diha nga mayor pa siya kaniadto sa lungsod sa San Jose, Dinagat Island sa Surigao del Norte.

Dakong buhi si Ecleo, ug wa mahitabo ang giingon sa iyang mga abogado kaniadto nga ang maong “supreme master” sa Philippine Benevolent Missionaries Association (PBMA), usa ka “walking time bomb.”

Ang gipasabot sa mga abogado ni Ecleo nga ang ilang kliyente usa na ka “walking time bomb” nga inihap na lang ang iyang mga adlaw ug mamatay na siya.

Ang termino ilang gigamit aron nga makumbinser ang babayeng huwes nga naghupot sa iyang kaso nga hatagan kini og higayon nga makagawas sa bilanggoan ug makabutang lang og pyansa.

Ang kaso nga parricide, dili gyud unta mapyansaan, apan ang babayeng huwes mihatag og “humanitarian consideration” kang Ecleo kay lagi, matud sa iyang mga abogado, himatyon na si Ecleo.

Unsa gud tawo’y himatyon nga pwerte man nga abtika. Gani, dihang nadakpan siya didto sa Pampanga kaniadtong Biyernes sa kadlawon, paingon na man kini nga moadto sa usa ka golf course aron magduwa og golf.

Ang 60-anyos na karon nga si Ecleo, gikonbikto sa pagtuok ug pagpatay sa iyang asawa nga nurse, si Alona Bacolod Ecleo, kang kansang patay’ng lawas gisulod og garbage bag ug gilabay sa usa ka kimba didto sa Barangay Coro, Dalaguete, Cebu kaniadtong 2002.

Makaingon ko nga si Ecleo, maayong moarte. Kaniadto sa husay sa iyang kaso, makita nako nga iyang ipakita nga luya siyang molakaw ug gani mogunit siya sa bukton sa iyang mama.

Apan kon wa nay mga tawo nga magtan-aw niya, pwerteng abtika molakaw paingon sa iyang sakyanan ug nakita ko gyud kini sa duha nako ka mga mata.

Karon, matud sa iyang mga abogado nga gusto sila nga moduso og awhag sa hukmanan nga usbon paghusay ang kasong parricide nga gipasaka batok ni Ecleo.

Aw, ang balaod nag-ingon nga kinahanglan nga dunay “newly-found evidence” aron ang kaso mabuksan pagbalik alang sa usa ka imbestigasyon.

BOMB
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with