EDITORYAL - Rapid test para sa mamumuo
Ian B. Melecio (Banat) - July 31, 2020 - 12:00am

Gipaabot sa mga Sugboanon nga mapaubos og balik ang siyudad ngadto sa general community quarantine ugmang adlawa, Agosto 1.

Apan dili kalikayan nga mabalaka nasab ang uban tungod sa gidangatan sa unang GCQ sa siyudad sa bulan sa Hunyo nga daw mga kabayong nakabuhi sa toril ang mga tawo.

Daghan ang nangataptan sa novel coronavirus dihang nilugak ang mga tawo pagtuman sa health protocols maong gibalik kini sa enhanced community quarantine. Nagpaabot sab ang kadaghanan nga makabalik na sa trabaho apan ang pangutana unsa ka luwas ang mga trabahoan?

Dunay planong ibalik ang Project Balik-Buhay nga unang gihimo sa tulo ka dagkong siyudad, ang Cebu City, Mandaue ug Lapu-Lapu pagtino sa gilapdon ug gidaghanon sa natakboyan diha sa komunidad aron maoy matutokan sa gobiyerno.

Apan ang PBB Part 2 para kini sa mga kompanya nga ipaubos sa rapid test ang ilang mga mamalik nga empleyado.

Kinahanglang luwas ang mga mamumuo sa ilang pagbalik sa trabaho ug manginabuhi. Ilang kinabuhi ug ilang pamilya maoy nakataya niini.

Apan kinahanglang libre kini aron di na mogasto pa ang mga gagmay’ng mamumuo.

Dili kalikayan nga duna na say mga manggawas nga mga sulsol o mga estoryang way mga basihanan bahin sa rapid testing sama sa miagi.

Apan unsa may mas palabihon,  panginabuhi o magpabiling estambay nga walay kasigurohan?

Bisan gani si Sec. Roy Cimatu, ang chief implimentor sa IATF Covid-19 response dinhi sa Sugbo, midayeg niining maong lakang.

Buot nilang himuong template ug himoan og manual aron ipasunod ngadto sa ubang dapit sa nasud. Dili ba maayo kini para sa imahe sa Sugbo?

Kun ang mga opisyales sa Inter-Agency Task Force for Central Visayas nakauyon sa mga estratehiyang gipatuman sa Sugbo, way rason aron dili kini sundon.

Ang kooperasyon ra gyud sa katawhan ang makapalampos niini, basta dili lang magpadala sa mga sulsol. Di unta kalimtan, bisan og mag GCQ pa hangtud malibkas ang mga quarantines, magpabilin gihapon kining COVID-19.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with