Hulga sa telcos
LINTUNGANAY - Fred P. Languido (Banat) - July 30, 2020 - 12:00am

Dunay sukaranan nga malisang ang mga higanteng kompaniya sa telecom dinhi sa nasud human sa bahad ni Presidente Rodrigo Duterte atol sa iyang State of the Nation Address (SONA) niadtong Lunes nga posibling ilogon sa gobyerno ang ilang operasyon kun mapakyas ni pagpalambo sa ilang serbisyo hangtud sa Disyembre.

Kini tungod kay sayod ang mga opisyal sa mga telcos nga way imposible kun gusto sa Malakanyang. Ang nahitabo sa ABS-CBN maoy labing maayo nilang panag-ingnan.

Kinsa bay magtuo nga ang higante ug labihan ka impluwensiyado nga network sa telebisyon dinhi sa nasud manirado sa usa lang ka pagpamilok?

Ang bahad sa presidente nga i-expropriate sa kagamhanan ang mga telcos mahimong kwestiyonble pa unsay legal nga basihanan. Mahimo ba sa  gobyerno nga mapugos ang mga tag-iya sa telcos pagbaligya sa ilang kompaniya? Mahimo bang gamiton sa kagamhanan ang gahom sa estado sa iyang imminent domain aron pugson ang mga telcos?

Apan bisan lalisonon unsay mamahimong legal nga basihanan sa gobyerno, ang bahad seryoso ug angayang hatagan og igo nga pag-atiman sa mga opisyal sa telcos.

Dugay na ang reklamo sa publiko sa dili maayo nilang serbisyo. Nagkamang nga internet ug labihan ka mahal maoy sagad nga reklamo nga atong madunggan.

Abtik maningil apan dugay nga moatiman sa mga reklamo sa  ilang subscribers. Mao ni common nga mga yangongo. Apan ang kahinay sa ilang serbisyo gibasol sa mga telcos sa grabi nga burukrasya sa gobyerno.

Dugay kuno ang proseso sa mga permit alang sa ilang mga proyekto pagtukod og dugang mga cellsites aron mapalambo ang ilang signal.

Gilisud-lisud sa mga local government units ang mga telcos sa ilang mga permit hinungdan nga hangtod karon wala masulbad ang problema sa signal ug hinay nga internet connection.

Kun tinuod ang pangangkon sa mga telcos, angayang unahon sa Malakanyang paglimpiyo ang lokal nga burukrasya sa atong gobyerno.

Unsaon man tuod sa mga  telcos pagpalambo ang ilang serbisyo kun dili sila hatagan og permit sa mga LGUs pagtukod og dugang mga cellsites? Ug alang sa mga telcos, angayang inyong itug-an sa publiko kinsa ang mga lokal nga opisyal nga naglisud-lisud sa inyong mga permit.

Kinahanglan ang dayag ug tataw nga mga impormasyon aron masulbad ang problema ug aron malikayan nga inyo lang gigamit nga lansisang mga LGUs sa dakong kakuwangan sa inyong serbisyo.

SONA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with