Mahinungdanon diha sa pag-ampo
MGA LAMAS SA KINABUHI - Fr. Rey Cui (Banat) - July 29, 2020 - 12:00am

Matud pa, ang Dios wala mag-apas sa gitas-on sa imong pag-ampo. Hinunoa ang Dios nag-apas kun unsay anaa sulod sa imong kasingkasing. Gikinahanglan gyud nga ang atong tagsatagsa ka mga kasingkasing:

1. Matinud-anon sa matag pangandoy niini. Ang pangandoy nga buot ipasabot niini mao man ang pangandoy nga magdala og tinud-anay nga bili nga mas labaw pa kay sa bisan unsang butang materyal, dungog ug kasegurohan. Pangandoy nga malangkubon dili lang kay ipunting sa kaugalingon lamang.

2. Hubo nga sa ato pa, ang tanan atong giplastada ngadto sa Dios wala tay gitagoan ang tanan alang kaniya bukas ug tagana sa pagpitol ug paghulma.

3. Matinud-anon diha sa paghangyo sa atong mga pangandoy nga kun kita mismo mohatag og mga pasalig ug panaad ato gyud kining tumanon inabagan sa grasyang Diosnon.

4. Mapailubon diha sa pagpaabot kun paghuwat sa katumanan sa kabubot-on sa Dios. Daghang mga tawo ang nawad-an og kadasig sa pag-ampo tungod kay daghan man kanila nagtuo nga diha sa pag-ampo mahatagan dayon sa hinanaling katumanan ang mga gipangayo. Apan ang hunahuna sa Dios lahi man gyud sa hunahuna natong mga tawo.

5. Manggihatagon diha sa paggahin og igong panahon sa paghilom ug pagpakigsulti sa Ginoo.

6. Masaligon nga ang Dios motubag gyud sa atong mga pangamuyo.

7. Sama sa usa ka bata nga andam ug tagana nga motahan sa kaugalingon ngadto sa Amahan o Inahan nga andam mosapupo sa matag higayon nga kita mahilukapa.

Sa akong personal nga kasinatian ingon nga magtutuo, moangkon ko nga dili gyud ko ingon ana ka lawom kun maghisgot na og pag-ampo. Sama sa uban ako naningkamot lang pud aron makaampo ngadto sa Dios. Saman sa uban ako nahimong nakigbisog aron mamahimong focus diha sa pag-ampo.

Sama sa uban ako kanunay nga naghangyo nga unta malimpiyohan unta ang akong kasingkasing ug hunahuna sa mga babag sa akong pakighiusa sa Dios diha sa pag-ampo. Kay the more ko nga mag-ampo, the more ko usab nakita ang akong mga kahuyangan ug ang akong pagka dili takos.

Apan bisan pa niini nia, nag-ampo gihapon ako bisan pa man kun dunay mga higayon nga kini tungason kaayo alang kanako.

DIOS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with