^

Hulyo 26, 2020: Ikanapulog-pito nga Domingo sulod sa tuig

ANG DIOS MIINGON - Fr. Rey Cui (Banat) - July 26, 2020 - 12:00am

Mga Pagbasa: 1Hari 3;5,7-12/Sal. 119/Rom. 8;28-30/Mt. 13; 44-52

Ang bugti

Dili mahitabo nga mahakgom nato ang duha ka mga butang. Kinahanglang duna kitay hangpon ug duna kitay i-give up.

Kini tungod kay malisod man alang nato ang paghakgom gyud sa tanan. Ang gingharian sa Dios bililhon nga mutya.

Kay bililhon nga mutya dako gyud ang presyo kun balor niini. Kun interesado ka sa usa ka mutya buhaton gyud nimo ang tanan makuha lamang nimo kini.

Kabahin sa maong pagpaninguha mao man ang pagbaligya sa bisan unsa nga giisip mong mahal aron sa ingon makuha nimo ang tukmang presyo nga sarang magamit sa pagpalit niini.

Mao nga kun imo na kining makuha, makahuloganon gyud kaayo ang maong mutya tungod kay nihimo ka man og investment dili ba?

Ingon ini usab ang Gingharian sa Dios. Mahalon siya nga mutya mao nga atong i-give up ang naandan nato nga naghatag kanato og comfort sa atong kinabuhi. Lisud man tuod ang pag-let go kanila labina kun naanad na kita nga anaa sila apan kun tinud-anay man ang atong gugma sa Dios ug sa iyang gingharian andam ug tagana kita sa paghiklin sa bisan unsa nga atong naandan.

Unsay buot ipasabot niini? Tugoti ko nga ako ning bahinon sa tulo ka T nga sa ato pa, Time, Talent ug Treasure.

Time kun panahon. Ang si bisan kinsa nga tawo nga gimahal nato pag-ayo kinahanglan ato mang gahinan sa atong panahon.

Dili lang kaysa panahon kondili sa atong dekalidad nga panahon.

Sa akong bahin sukad nga napari ko, bisan sa ka-busy mogahin ko og panahon sa pagduaw sa akong inahan o dili ba kaha pagtawag kaniya pinaagi sa cellphone.

Dili kini mahitungod lang sa gitas-on sa pagtawag o sa imong pagduaw kondili sa kalidad nga imong gihatag sa maong pakighimamat.

Talent kun kaantigohan diin diha sa imong dakong gugma sa Dios imo mang gihatag ang imong kaugalingon diha sa paghimaya sa Iyang ngalan ginamit kun unsay anaa kanimo dili ba?

Treasure kun bahandi. Usahay nindot baya ang daghang kwarta o financial nga kahimoan apan dili sa tanang higayon nga ang paghupot niini makahatag og katagbawan, kay dunay mga tawo nga bisan kun hagip-ot sila sa ilang panginahanglan, apan tabunok ang ilang kinabuhi sa tinud-anay nga kalipay.

Ug ang nakapahimo niini nga mas interesante mao man ang gingharian sa Dios daw saksak sinagol. Ug ang maong pagkasaksak sinagol gumikan sa mga makasasala ug mga santos kini maoy nakapahimo niini nga mas mabulokon.

DOMINGO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with