Slowly but surely
SAKSAK SINAGOL - Lucky P. Malicay (Banat) - July 22, 2020 - 12:00am

Hinayhinay na karon nga miabli pag-usab ang ekonomiya sa siyudad sa Sugbo ug tibuok lalawigan human sa bag-o nga klasipikasyon sa community quarantine dinhi gumikan sa coronavirus disease o COVID-19.

Dinhi sa dakbayan sa Sugbo, milugak na ang quarantine status. Gikan sa labing estrikto nga enhanced community quarantine nga ka duha gideklara sa national government, minaug na ang status ngadto sa modified ECQ.

Sa nakalabay nga mga adlaw, miabli na ang mga negosyo ug ubang establisimento sa siyudad ilalum sa MECQ. Ang mga shopping mall, hardware ug ubang dagkong tindahan nagsugod na pag-operate apan partial lamang.

Sa lalawigan nga ilalum na sa modified general community quarantine, mitugot na ang Land Transportation Franchising and Regulatory Board ug ang Department of Transportation nga maka-operate na pagbalik ang mga public utility jeepneys.

Gani, mihimo na usab og mga lakang ang kagamhanang probinsiyal pag-abli na sa industriya sa turismo, ang usa sa nag-unang source of income niini, human sa pipila ka bulan nga pagkasira tungod sa COVID-19 nga miigo sa liboan ug mipatay og gatusan sa dinhi.

Hinuon, hinaut nga padayon na kining hinayhinay nga pag-abli sa atong mga negosyo. Kini tungod kay maayo kining tilimad-on sa pagbangon sa lokal nga ekonomiya nga grabeng nalugmok gumikan sa pandemiya.

Positibo ako ug dako akong pangagpas nga padayon na kining maayo nga status sa siyudad sa Sugbo ug sa kinatibuk-ang probinsiya. Ug sa sunod nga announcement sa national government, mas mopaubos pa ang atong status.

Hinuon mag-agad lamang kana sa sitwasyon sa COVID-19 dinhi. Kon padayong mosulbong ang mga kaso sa dakbayan ug tibuok lalawigan, dili usab nato ikatingala nga mas mohigpit pa ang kagamhanan sa atong quarantine status.

Mao nga kining tanan nag-agad ra usab sa matag usa kanato. Kay kun padayong kita magmagahi ug magpabadlong sa lagda sa social distancing, basin nga mapurnada kining maayong momentum nga atong nasinati karon.

Kinahanglan nga dili na kita makatugot pa nga mahagba pagbalik sa enhanced community quarantine ang atong COVID-19 status dinhi Sugbo. Kini gumikan kay dili na usab kita makatugot pa nga mosamot pa kaugbok ang lokal nga ekonomiya tungod sa atong pagbaliwala sa lagda sa kagamhanan.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with