Paita kon wa kay kwarta
RENBOR PATROL - Rene U. Borromeo (Banat) - July 21, 2020 - 12:00am

Nasubo kaayo ko pagkasayod nga dili ka na gyud diay basta-basta karon nga makapa-admit sa mga ospital, ilabi na diha sa usa ka pribadong tambalanan nga nahimutang sa North Reclamation Area nga sakop na sa Mandaue City.

Sa dili pa ang pasyente dawaton alang sa “confinement,” kinahanglan kini nga pakuhaan og swab test, ug unya ra dawaton nga ma-admit sa ospital kon “negative” ang resulta.         

Pananglit positibo gani sa Coronavirus Disease ang pasyente, dili nila dawaton ang pasyente nga ma-admit sa ilang tambalanan sa Mandaue City, ug ila kining ipasa sa kauban nilang ospital sa Dakbayan sa Sugbo.

Gusto kuno sa tagdumala sa ospital nga “Covid-free” ang ilang tambalanan aron nga dili mahadlok ang ubang mga magpatambal. Ambot og unsay lagda sa Department of Health, kon pwede ba nga makabalibad kon may magpaadmit nga COVID-19 positive.

Pero ang gusto nako nga ipasabot mao nga lisura gyud kay kon wa kay kwarta, ayaw na lang pagpatuga-tuga og anha sa maong ospital aron magpatambal.

Sayonan ka nga sa swab test pa lang daan mogasto ka na man gyud kay pabayron ka man daan sa dili pa i-swab test ang pasyente, maayo ra ba og barato.

* * *

Gidayeg nako si Mandaue City Mayor Jonas Cortes kay ang mga frontliners sa ilang siyudad, gihatagan nila og anti-flu vaccines isip panagang nga dili sila matakboyan og flu.

Unya, matud ni Mandaue City administrator Jamaal James Calipayan nga isunod unya nila ang mga indigents, ilabi na ang mga tiguwang. Dako gyud hinoon og gasto ang kagamhanan niini kay mahal ang anti-flu vaccines.

Kaniadtong Sabado, napugos gyud ko pagkuot sa nahibilin sa akong tinigum kay gipabakunahan nako og anti-flu vaccines ang lima nako ka sakop sa pamilya pamasin nga makapalig-on kini sa ilang immune system.

* * *

Dili pa gyud diay kita makaingon nga karong Agosto 25 na gyud mobukas ang klase karong school-year. Gipirmahan na ni Presidente Duterte ang balaod nga magtugot sa pag-uswag sa opening of classes, apan wa gyud gibutang ang fixed date sa pag-abli sa klase.

Sa ato pa, mahimo ra diay nga kon matan-aw sa kadagkoan sa Department of Education nga inig-abot sa Agosto 24 anaa lang gihapon ang problema sa COVID-19 lugwayan pa gyud nila ang petsa sa pag-abli sa klase.

Pero balikon nako ang akong baruganan nga mas nindot gyud nga dili nato isakripisyo ang kinabuhi sa kabataan nga posibleng matakboyan sa virus kon mopugos sila pag-eskwela nga anaa pa ang Coronavirus Disease.

MONEY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with