^

Black and white

ANG DIOS MIINGON - Fr. Rey Cui (Banat) - July 19, 2020 - 12:00am

Hulyo 19, 2020: ikanapulog-unom nga Domingo sulod sa tuig

Mga Pagbasa: Kin. 12;13,16-19/Sal. 86/Rom. 8;26-27/Mt. 13;24-43

Kini ang kasagarang standard kun sumbanan nga gamiton labina kun maghulagway kita sa mga tawo nga maayo o dautan.

Ang mga maayo kun puti dautan kun itom. Apan nahimo kining debate karon labina kun maghisgot kita og black lives matter movement.

Mao ning kalakiha kon nganong didto sa gawas sa nasud partikular sa mga simbahan sa Estados Unidos ang gipang vandalized kay lagi ang maong mga monumento mga debuho ug uban pa mga remnant man sa malupigong taga kasadpan nga niulipon kanila kaniadto.

Dinhi sa ebanghelyo karong Domingoha nidungan pagtubo ang  mga sagbot ingon man ang trigo. Wala dayon kini makita sa pagsugod na anha pa kini namatngoni sa dihang nibuswak na ang mga uhay niini. Laraw unta sa mga sulugoon nga kini pagaibton apan ang tag-iya nagdumili.

Imbis ipaibot ang mga sagbot iya naman lang gitugon ang mga trabahante niya nga pasagdaan na lang kini nga motubo. Ngano man kaha?

Tungod kay una, sayud man ang tag-iya nga ang trigo makasukol sa toxic nga sagbot nga ginganlan og Darnel. Ang hulagway niini susama ra sa trigo.

Ikaduha, may sugnod ra gihapon siya nga magamit inig abot sa panahon.

Kini tungod kay human magalab ang mga trigo ug mga sagbot lainon man kini. Ang sagbot adto sa hudno samtang ang trigo adto sa iyang kamalig.

Ikatulo, iyang mapakita ngadto sa iyang kaaway nga nisabod sa maong sagbot mao nuon ang naulawan. Pasabot lamang kini nga mas gamhanan ang maayo kaysa kadautan.

Matag tawo dunay sagbot dunay trigo sa iyang kaugalingon.

Dili lang pud kini mahitungod lang sa bulok itom man o puti sanglit ang bulok kon kolor dili man gyud ang sukaranan sa kalidad sa usa ka tawo o usa ka butang.

Dili sila  maoy molangkob sa tanan mao nga dili maayo nga mo pokus lang kita niini dili ba?

Mas maayo nga mopatidlum kita labaw pa niini. Kay after all matud pang St. Anthony the Great: “To See the Angels is not a greatest miracle but to see your own mistakes, is a miracle!”

DOMINGO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with