Asa ang ka hanas
Sa balita nga napatik sa Tribune.Net.Ph giila sa World Health Organization (WHO) nga airborne ang coronavirus disease o COVID-19 giklaro karon sa Department of Health nga airborne lamang ang COVID-19 sa mga dapit nga huot ang lugar sama sa mga tambalanan ug ubang pasilidad nga sirado.
Si Health Undersecretary Maria Rosario Vergeire nangagpas nang daan nga ang coronavirus disease mahimong motakboy sa tawo pinaagi sa hangin ug mao kini ang rason nganong ila gayod nga gimandoan ang mga health personnel sa pagsul-ob og kompletong mga personal protective equipment (PPE) ilabi na sa ilang pagpaduol sa mga COVID-19 ward.
Si Vergeire nagkanayon nga sayod sila sa sitwasyon sa mga tambalanan maong ilang gimando ang pagsul-ob og PPE sa mga health workers tungod sa aerosol-producing equipment. Samtang sa laing bahin, ang mga sirado nga mga pasilidad ila usab nga giila nga peligro sa airborne transmission tungod sa ka limitado sa lugar nga makatuyok ang virus.
Si Vergeire nagkanayon nga kun ang tawo anaa sa sirado nga dapit anaa dinhi ang posibilidad nga motakod ang virus pinaagi sa hangin. Mao kini ang hinungdan nganong sa sayo pa ilang girekomendar nga kun moabli man gani ang mga kan-anan kinahanglan kining dili sirado aron makgawas-gawas ang hangin.
Ang World Health Organization mibisita pagbalik sa ilang patakaran sa COVID-19 nga motakod kini pinaagi sa droplet human ang 200 ka mga scientist sa 32 ka mga nasud miawhag niini pagpangita pa og dugang mga ebidensiya.
Samtang giila sa WHO ang findings sa mga experto ug giingon niini nga adunay milutaw nga mga ebidensiya apan iya usab nga giingon nga nanginahanglan pa kini og dugang mga pagtuon.
Ang posibilidad nga airborne ang COVID-19 sa mga dapit nga daghan og tawo, sirado ug walay hangin nga mga dapit dili mahimong ibaliwala lamang. Apan ang ebidensiya gikinahanglan pa kining tigumon ug basahon matud pa ni Dr. Benedetta Alleganzi sa WHO atol sa usa ka press briefing.
Paita sa atong mga hanas.
- Latest
