Sugilanon ni Timmy nga giasoy ni Padre Jaque
MGA LAMAS SA KINABUHI - Fr. Rey Cui (Banat) - July 14, 2020 - 12:00am

Sa akong pag scroll down sa akong FB Account akong nakita ang luna diin si Padre Loreto Jaque akong higala ang nihimo sa iyang naandang storytelling nga estilo kun pamaagi sa pag ebanghelyo.

Ning tungora iyang gisaysay ang sugilanon ni Timmy. Si Timmy matud pa bata nga fascinated kaayo sa buwan. Matag gabii iya kining tan-awon. Matag gabii iya kining sud-ongon.

Daghan siya og pangutana kalabot niini. Ang mga sakop sa pamilya moingon kaniya nga ang buwan hinimo gikan sa keseyo, nga ang buwan hinimo sa tsokolate. Mao k ini ang iyang gihunahuna hangtud nga sa dihang siya nitungha ug ang iyang maestro nagkanayon nga ang buwan hinimo sa usa ka bato.

Nasagmuyo ang bata. Kun mao ang buwan dii angay nga hunahunaon kay hinimo lamang kini sa bato. Apan sa kadugayan dunay nag-ingon nga ang buwan daw dunay bahandi. Ug kini ang nakapukaw sa iyang hunahuna ug pagbati.

Sulod sa taas nga panahon iyang gihunahuna kun unsaon pag-adto sa buwan sanglit layo man kini kaayo.

Usa ka adlaw niana si Timmy nagduyanduyan. Iyang nakita ang ulo sa iyang silingang babaye nga mogimaw mawala, mogimaw, mawala.

Iya kining gipangutana kun nag-unsa kini. Ang tubag niini sa pikas mao nga nagduwa diay kini og trampoline.

Nisantop sa iyang hunahuna nga pinaagi sa trampoline mahimong iyang maadto ang buwan! Busa nagpatabang siya sa iyang mama, igsuon ug sa tindahan nga namaligya og daghang goma.

Tuod man, sulod sa igo igong gidugayon nahuman ra gyud ang dakong trampoline. Ug sa maong adlaw nga natakda siya nanamilit sa iyang ginikanan ug mga igsuon kay lagi moadto siya sa buwan. Naglukso lukso si Timmy ug Uno! Dos! Tres!

Nisutoy og sulbong si Timmy padulong sa buwan. Butang nga gikahingangha sa tanang mga sakop sa pamilya. Lipay kaayo ang bata!

Nalapas siya sa buwan ug nakita niya didto ang mga astronauts nga naglukso lukso didto. Ginamit ang iyang payong dala nipatighulog siya!

Natingala gud ang mga astronauts nganong nahiabot siya didto. Dayon gipadayag niya ang iyang tuyo kun duna bay bahandi ang buwan.

Silang tanang mga astronauts nagkanayon nga ang buwan way bahandi kay bato lamang kini nga niambit sa kahayag sa adlaw.

Nasagmuyo na sab si Timmy hangtud nga dunay usa sa mga astronauts nga nagkanayon: “Basin ang bahandi nga gipasabot kanang anaa sa imong luyo!” ug sa paglingi ni Timmy nakita niya ang planetang kalibutan nga nindot kaayo!

Pamalandong:

Ang tinuod nga bahandi wala diay sa halayo kondili anaa mismo sa atong kaugalingong tugkaran. Ang pagkamaalinggaton maoy gikinahanglan aron makita nato ang bili niini sa atong kinabuhi.

LORETO JAQUE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with