Sugyot kang Labella
RENBOR PATROL - Rene U. Borromeo (Banat) - July 14, 2020 - 12:00am

Gawas nga wa na mohatag sa media og COVID-19 updates ang kadagkoan sa Cebu City Health Department, nakahimo pa gyud sila og dakong kauwawan sa ilang departamento. Tiaw mo nga ang usa ka tawo nga patay na, giisyohan nila og certification nga naayo na kuno sa sakit?

Ang usa ka 72-anyos nga taga Barangay Kamputhaw, Dakbayan sa Sugbo, namatay sa coronavirus kaniadtong Mayo 30, ug pagka Hunyo 3, ang City Health Department miisyo og death certificate nga maoy gigamit aron malubong ang tiguwang.

Pagka Hulyo 3, tangkod gyud nga usa ka buwan gikan sa pag-isyu sa City Health Department og death certificate sa tiguwang, niisyu si Dr. Daisy Villa og certification nga ang maong tiguwang, “clinically recovered” sa ato pa, naayo siya sa COVID-19.

Tungod sa dakong palpak niini, nahimong kataw-anan ang City Health Department, ug giyagayagaan na lang hinuon sa katawhan. Ang uban miingon nga dili na katuohan ang mga statistics nga gikan sa City Health.

Kon ako pa maoy mayor, ilisan nako ang nagdumala sa maong departamento nga si Dr. Villa kay mora man og dili siya maayong modumala sa departamento. Natan-aw nako nga si Villa gusto gyud nga motrabaho isip usa ka doktor, ug dili usa ka department head.

Tiaw mo nga moapil siya pag-sul-ob og Personal Protective Equipment (PPE) ug mangunay sa pag-atiman sa mga nasakit og COVID-19? Nindot ang iyang gihimo apan nabiyaan niya ang iyang trabaho ug maoy resulta nga daghang palpak sa City Health.

Sukad sa miaging semana, kaming mga sakop sa media, wa na hatagi og COVID-19 updates sa City Health kay adto na kuno mi papangayoon direkta sa Department of Health. Nganong ang ubang Local Government Units (LGU) padayon man lagi nga mihatag og statistics?

Mao diay, kay sa hinapos sa miaging semana nahibaw-an nako nga pwerte man diay ang pagsaka sa gidaghanon sa Covid cases sa dakbayan.

Tiaw mo nga mikalit ra man og usbaw ngadto na sa 359 ang nangamatay sa coronavirus dinhi lang sa siyudad?

Wa man unta dayon ko makatuo sa gisulti sa usa ka opisyal sa Office of the Presidential Assistant for Visayas nga “incompetent” sa iyang katungdanan kini si Dr. Villa, pero karon, mora’g hinay-hinay nako nga motuo.

Mao nga kon maminaw si Mayor Edgar Labella, bahala na og ang sweldo ni Dr. Villa dili maibanan, apan angay siya nga ilisan pagka city health officer. Anugon ang serbisyo ni Dr. Villa kay ganahan man gyud siya og serbisyo, apan kon padumalahon siya og departamento, way maayong epekto.

EDGAR LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with