Ayaw i-generalize ang kagahig ulo sa mga Sugbuanon
IYO ANTOY - Antolin dela Serna (Banat) - July 14, 2020 - 12:00am

Kon buot hunahunaon, gahig ulo baya kitang mga Pinoy. Hinuon, dili ang tanang kapin sa usa ka gatus ka milyong Pinoy ang gahig ulo. Ambot pila lang kaha ka porsiyento ang mga gahim og ulo. Mahimo nga daghan ang mga gahi o ulo, apan, a great majority kanatong mga Pinoy ang matinumanon sa balaud.

Mao nga personally I feel insulted inig-ingon nila nga naingon kita niini dinhi sa Sugbo., nisiaw pag-ayo ang coronavirus gumikan sa pagkagahig ulo natong mga Sugbuanon.

Kapin na sa upat ka bulan diin dakong majority kanatong mga Sugbuanon ang wala nay gawas-gawas gikan sa mga panimalay ug religiously nagtuman sa mga health protocols. Ambot pila lang kaha ang nagpabadlong.

Busa, unfair kaayo ang pasangil nga nigrabe ang pagkuyanap sa virus dinhi sa atong dakbayan gumikan sa atong pagkagahi og ulo. Matud  pa sa uban, ang mga Sugbuanon mahimbing, nga soft-hearted, dili hambugero.

Dugay man kon nagpuyo sa Cagayan de Oro, infact didto ko graduate sa Xavier University. Nindot kaayo ang ilang impression kanatong mga Sugbuanon. Mga maayong tawo ug buotan nga mga bana.

Mao nga proud kaayo ko being a Cebuano. Apan karon, naunsa na man ta? Mga gahi na man kitag mga ulo, mga badloongon na pud.

Alang nako, dili tingali maayong i-generalize ang pakagahig ulo sa mga Sugbuanon. Mahimo nga gumikan sa pagpabadlong sa pipila ka Sugbuanon, nisiaw ang virus, apan, there could be something wrong somewhere nga nakatampo sa pagkuyanap sa pandemic, dili lamang sa ilang giingon nga gahi kitag mga ulo.

Duna na may mga huhongihong nga lagmit ma-GCQ o ma-MCQ, nga kon kini madayon, dili maayong mo-relax kita pag-ayo. Kon buot hunahunaon kinahanglan hugtang ug higpitan pag-ayo  ang pagpatuman sa mga pandemic protocols. Kini tungod kay daghan nang mga tawo ang tugotan pagpanggawas gikan sa panimalay, ug duna nay mga buhatan ug mga balay-patigayon ang buksan. Kadtong mamalik sa trabaho kinahanglan siguroon nga dili sila magtinakdanay sulod sa ilang mga buhatan.

Ug hugtan pag-ayo nga kalikayan ang pagtapoktapok kay tingali unya og mo-kompiyansa na ang katawh, kaylagi, GCQ naman. Angay hunahunaon nga kon ma-GCQ o ma-MCQ  na man kita, ang coronavirus nagpabilin uban kanato. Sa ato pa, nagpabiling hulga, hangtud kanus-a, wala kita masayod.

Dugang ang atong pag-amping ug pag-ampo, kay samtang wala pay vaccine nga madiskobrehan nga makasanta sa virus, kinahanglan mas mag-amping kita ug mas mainampuon aron, at least kaminosan ang matakdan sa sakit. Sa ato nang gibalikbalik dinhi, gikinahanglan ang pag-disiplina sa atong kaugalingon ... self-discipline. Lisud ra ba kining buhaton sa uban, kay maglisud sila pagsupak sa kagustoan sa ilang gusto.

Lisud ang pagpakig-away batok sa atong kaugalingon. Lisud ang pag-angkon nga ug pagtulisok sa atong kaugalingon sa atong pagkabadlongon. Samtang sayon alang kanato ang pagsaway ug pagbadlong sa uban, lisud ang pagsaway ug pagbadlong sa atong kaugalingon.

Anhi dinhi mosulod ug moandar ang atong garbo ug pagka-gahi og ulo. Mao nga lisud ang pag-disiplina sa atong kaugalingon.

Buot natong ipasabot dinhi nga ang kasulbaran niining gumonhap nga atong gisagubang karon mag-agad sa tagsatagsa kanato. Di ba?

PINOY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with