Maluoy ka mayor
RENBOR PATROL - Rene U. Borromeo (Banat) - July 9, 2020 - 12:00am

Mohangyo ko ni Cebu City Mayor Edgar Labella nga imo untang mandoan ang kadagkoan sa kapolisan aron dili lang dakpon ang mga tawo nga wa nimo mahatagi og quarantine pass (QP), unya migawas sa ilang kabalayan aron makapalit sila sa mga panginahanglanon nila.

Kanunay gyud ko nga makadungog og report gikan sa mga news reporters nga pwerte gyud kaestrikto sa mga sakop sa PNP Special Action Force (SAF) kay dili gyud sila mopasaylo sa mga tawo nga masakpan nila nga manggawas gikan sa ilang kabalayan kay dunay pamaliton, kon way makapakita nga QP.

Gani, bisan og gipahibalo na nga mahimong banus-banosan paggamit ang mga QP nga giisyu sa Cebu City Hall kay kuwang man gyud lagi ang gidaghanon sa mga gipagawas ni Mayor Edgar Labella, wa gihapon magsilbe, kay pangdakpon gihapon sila sa mga sakop sa SAF.

Arang-arang na lang kon ang makasita sa mga way QP, o kaha QP nga dili ila ang ngalan, mao ang mga polis nga nadestino sa Dakbayan sa Sugbo. Apan kon mga sakop gani sa SAF, aw sigurado gyud nga sila dakpon ug dad-on sa Plaza Independencia.

Dili ka ba maluoy kanila mayor? Pananglit kadtong gidakop nga usa ka inahan napugos tawon paggawas sa ilang kabalayan aron nga makapalit og makaon, nag-antos gani paglakaw kay wa may kasakyan, unya dili na makabalik aron dad-an og makaon ang gigutom nilang mga anak?

Nasayod ko nga kini si Mayor Edgar Labella dunay malumo nga kasingkasing ug malooy sa mga ingon niini nga sitwasyon, mao nga mohangyo ko nga mohimo ka unta og dihadiha nga lakang aron masanta kining kaestrikto sa mga sakop sa SAF nga subra ra gyud kaayo.

Gipaagi lang nako kining hangyo dinhi sa akong lindog kay nasayod ko nga tungod sa ka-“busy” kaayo ni Mayor Labella, dili na siya makatubag kon atong tawgon, dili na kaayo makatubag kon imong padad-an og text message, aron nga tubagon ang pangutana sa mga sakop sa media.

Ambot, ngano sab nga sa kadaghan nga mga opisyal sa Cebu City Hall nga gitahasan ni Mayor Labella kabahin sa police matters, wa man sila makahimo og lakang aron matabangan kining mga wala intawon mahatagi og QP nga nasakripisyo na gyud tawon pag-ayo.

Naay daghan diha sama nila ni Konsehal Dave Tumulak, Philip Zafra, Raymond Garcia, Joel Garganera ug uban pa, nga makahimo unta pagtabang kon gusto nila. Sala ba gud sa mga tawo nga wa sila hatagi og QP? Kinsa nga sala nga wala mahatagi ang kada “household?” Timan-i nga lahi ang termino nga “household” kay sa “balay” ug mao kini ang kakuwangan sa nagdumala sa City Hall.

EDGAR LABELLA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with