EDITORYAL - Pag-anad sa new normal
Ian B. Melecio (Banat) - July 7, 2020 - 12:00am

Dawaton man o dili sa katawhan, ang coronavirus disease magpabilin na kini hangtud sa hangtud. Bisan pa og duna nay madiskobrehang epektibong bakuna batok sa maong sakit, dili na kini mawagtang pa.

Ang mapaabot lang sa katawhan mao ang bakuna, nga gilaumang makapakublan sa lawas sa mga tawo batok sa COVID-19. Apan magpabilin kini ug bisan unsang orasa, bisan kinsa matakboyan niini kun mokompiyansa.

Ang kinaiya sa virus nga posible diay bisan ang baskog ug lawas mahimong carrier niini ug mahimong hulga sa uban kay ilang matakdan, anhing dapit gyud magamit ang gitawag nga “new normal.”

Makatabang og dako kining new normal sa mga tawo aron malikay gikan sa exposure sa virus. Apan mahitabo lang kini kun ang mga tawo mosunod sa mga health protocols nga dili na kinahanglang ipamugos kanila sa mga otoridad.

Nabag-ohan gyud ang mga tawo sa new normal, tinuod hasol ug sambol sa nawong ang kanunay nga pagsul-ob og facemask.

Tungod sa social distancing gagmay nalang og kitaon ang sector sa transportasyon kay gilimitahan na ang kapasidad sa madala nilang pasahero; kadtong mga relihiyosong kalihokan nga diin daghang mga tawo ang magpundok gidili na.

Bisan sa mga groceries, department stores, kalingawan, merkado, mga suroyanan, mga balay kalingawan ug daghan pang uban nimenus na ang gidaghanon sa mga tawo ug possible pa ganing dili na gyud makabalik sa ilang naandang operasyon.

Apan kining new normal maoy paspas nga pamaagi pagpahunong sa pagtakboy sa virus. Lisud man kini ipasunod sa uban, kinahanglang ang mga lokal nga kagamhanan maoy mangusog niini pinaagi sa mga ordinansa.

Ang mga ordinansa kinahanglang hugot nga ipatuman dili lang sa mga enforcers sa siyudad kondili sa mismong mga barangay opisyales.

Pinaagi niini mas makita ug mabati ang panerbisyo sa barangay ngadto sa ilang mga konstituwente dili parehas sa naandan nga kun panahon ra sa kampanya para sa eleksyon makita ang mga opisyales.

NEW NORMAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with