Dakpa ang abusado
RENBOR PATROL - Rene U. Borromeo (Banat) - July 7, 2020 - 12:00am

Daghan na gyud nga mga opisyal ug kawani sa Cebu City Hall nga namatay sa Coronavirus Disease, hinungdan nga angay’ng doblehon gyud unta nato ang atong pagmatngon nga dili kita matakboyan niining maong mananakod nga sakit.

Nakurat kaming mga sakop sa media pagkasayod nga ang labing ulahi nga gipatay sa virus mao si Atty. Rico Abellanosa, usa sa mga karaang abogado sa Cebu City Hall.

Gitug-anan ko ni Mayor Edgar Labella nga gituohan nga si Atty. Abellanosa natakdan sa usa niya ka igsuon nga maoy unang natakboyan sa Coronavirus Disease.

Daghan na kaayong mga kawani sa City Hall nga nangamatay sa Covid, apil na ni Konsehal Tony Cuenco, nga kay masakiton aw dali ra kaayong giatake sa COVID-19.

May gusto lang ko nga ipaabot ngadto sa katawhan, ilabi na niadtong mga makabasa niining akong lindog. Samtang ang uban nagmatngon nga dili unta matakboyan sa COVID-19 aron nga mahibalik na kita sa normal nga sitwasyon, subo kaayo tan-awon nga may uban nga wa gamita ang utok.

Gipakita sa usa ka hulagway nga nakuha didto sa Sitio Ulap, sakop sa Barangay Basak-Pardo nga nagpunsisok ang mga tawo nga naglibot sa usa ka hantakan, ug ang uban nagduwa nga mora gyud og way gikahadlokan.

Sigurado ko nga kadtong maong mga tawo, dili sab tingali tanan mga kwartahan nga kon sila matakboyan sa COVID-19, sayon-sayon ra nga makapa-admit sa ospital nga dili magsamok-samok sa atong kagamhanan?

Makapangutana ko, kay daghan man nga mga batan-on niadto, kon unsa may gihimo sa ilang mga ginikanan? Pagka iresponsable nga ginikanan nga wa gyud makabadlong sa ilang mga anak. O kaha, apil ang ilang mga ginikanan niadtong mga nagpabadlong.

Hain na man ang mga sakop sa Special Action Force (SAF) nga ang uban kusog kaayong maningka kon may masakpan nga naglakaw paingon tawon sa merkado kay aron mopalit og makaon, abi lang kay way passes?

Kadtong mga tawo nga nagpabadlong ug naghantak ug nagduwaduwa sa karsada nga wa gani magsul-ob og mask, mao kadto sila ang angay’ng singkahan ug pwede pa gani nga ilang labtikan ang dunggan.

Apan ang usa ka buotang inahan nga niagwanta gani intawon sa paglakaw og layo aron lang makapalit siya’g pagkaon para sa iyang pamilya, mao na man hinoon ang gidaginot sa mga maldito nga polis. Gusto ko og estrikto nga pagpatuman sa balaod, sanglit 11 ka tuig ko nga nahimong police/military reporter, ug ang akong utok nakasagop na sa pangisip sa usa ka polis o kaha militar.

Apan maantigo ko nga malooy sa mga tawo nga wa hatagi og passes busa mapugos sila sa pagsupak sa balaod aron dili mamatay ang ilang pamilya.

CORONAVIRUS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with