Insentibo alang sa mga frontliner
SAKSAK SINAGOL - Lucky P. Malicay (Banat) - July 6, 2020 - 12:00am

Aniay maayong balita gikan sa lokal nga pangagamhanan alang niadtong mga gatusan ka medical frontliner, ilabina kadtong anaa sa mga private hospital ug ubang medikal nga pasilidad, dinhi sa dakbayan sa Sugbo.

Nagplano karon si Mayor Edgardo Labella nga mohatag og P10,000 nga pinansiyal nga ayuda ngadto sa 1,800 ka private medical personnel sa siyudad sulod sa tulo ka bulan niining panahon sa coronavirus disease pandemic.

Tungod lagi sa ka gamay sa ilang sweldo ikumpara sa mga anaa sa government hospital, nakita ni Labella nga angay lamang usab nga hatagan kining maong mga medical worker sa mga pribadong hospital sa dakbayan.

Alang sa mayor, ang maong hinabang pinansiyal usa usab ka paagi aron maisa ang moral sa mga doktor, nurse medical technologist ug uban pang medical personnel sa mga private hospital taliwala niini maong krisis sa COVID-19.

Maayo kini nga lakang sa pamunoan sa dakbayan. Dili nato ikalimod nga hilabihan ka dako sa risgo ang giatubang usab niining maong mga medical frontliner, ilabina sa mga pribadong tambalanan, sa ilang trabaho.

Gani, niining paghapak sa maong pandemic, sukad pa sa Marso, wala kita makadungog og mga lakang sa management niining mga pribadong hospital sa Sugbo paghatag usab og mga insentibo ngadto sa ilang mga frontliners. Mao nang kinahanglan nga mosuporta usab ang konseho sa siyudad sa Sugbo niining plano ni Labella paghatag og financial incentives ngadto nga mga private medical frontliner. Niining panahon sa pandemiya, angay lamang nga iwakli una ang pamolitika sa atong mga lider.

Angay lamang nga unahon pag-atiman sa kagamhanan ang dako nga panginahanglan sa atong mga frontliner. Kini tungod kay ang kinabuhi sa matag usa kanato karong panahona anaa sa ilang mga kamot. Ug kinahanglan lamang nga hatagan sila sa insakto nga insentibo.

FRONTLINER
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with