EDITORYAL - Tabang para sa pribadong frontliners
Ian B. Melecio (Banat) - July 5, 2020 - 12:00am

Nagnihit na og maayo ang mga medical frontliners sa mga tambalanan tungod kay nangaluya na gumikan sa pagatiman sa mga pasyente sa novel coronavirus disease, pipila kanila ang literal gyud nga nangatakdan na sa maong sakit.

Tungod kay peligro man kaayo ang maong sakit, kadtong mga nataptan kinahanglang mohunong sa og trabaho aron magpatambal sulod sa 14 ka adlaw, ang uban wala makalahutay ug nakabsan gyud sa kinabuhi.

Dinhi sa Cebu City, nga gikonsiderar karong bag-ong hotspot sa epidemiya nakahunahuna si Mayor Edgardo Labella pagtabang sa mga medical frontliners nga miboluntaryo sa ilang serbisyo sa mga pribadong mga tambalanan.

Sila gilangkoban sa 1,800 ka mga private nurses, doctors, medical technologist, interns, Radiologist, Respiratory Technologists ug mga medical technicians sagad gamay ra kaayo og binuwang sweldo.

Kining maong mga private health workers mitabang karon sa Chong Hua Hospital, Cebu Doctors Hospital, Perpetual Succour Hospital, Velez Hospital, Adventist Miller Hospital ug Cebu Community Hospital.

Maayo kining tinguha sa mayor nga pahatagan og tag P10 mil kada buwan sulod sa tulo ka buwan kining maong mga medical workers nga nitabang sa mga pribadong tambalanan.

Pagkatinuod, mas dagko og sweldo ang mga medical practitioners sa gobiyerno itandi sa mga naa sa pribadong mga tambalanan.

Sa panahon karon, ang kaalam sa maong mga medical personnel labing gikinahanglan kontra COVID-19, maayo nalang nga sila nanabang bisan gamay ra ang gisuhol kanila tungod kay pangitaon kaayo sila karon.

Makakita og kaayohan ang mga sakop sa Konseho sa siyudad sa hangyo sa mayor nga pagahinan og pundo kining mga pribadong medical personnel tungod kay dako sila og papel para sa kaayohan sa siyudad.

Kun ang mga polis ug ubang mga frontliners sa kadalanan gipahatagan man gani og insentibo o hazard pay, dili sab tingali maayo kun ang mga tawong mao mismoy nakig-atubang sa mga pasyente dunay COVID-19 sulod sa pipila ka oras diha sa mga tambalanan dili lingion sa gobiyerno.

FRONTLINERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with