EDITORYAL - Mga ‘gahi’g ulo’ gyud?
(Banat) - July 1, 2020 - 12:00am

Makapahiubos kaayo kining padayong pagsaka sa mga kaso sa novel coronavirus disease dinhi sa Sugbo ilabi na sa Cebu City nga padayong ubos sa enhanced community quarantine ug duna nay daghang mga polis ug kasundalohan nga gipatabang aron sa pagbantay.

Dihang gihinganlan sa Presidente ang mga taga Cebu nga “mga gahi’g ulo” daghan ang nasilo ug mikisikisi diha sa social media. Daghan ang nasilo gumikan kay mas daghan baya ang nagtinarong sa pagtuman sa health protocols ilabi na sa pag-stay at home.

Apan kaning pipila nga dili gyud makaantos magpundo sa balay ug nagsige gihapon og gawas kay makigtabi sa mga silingang utro pud mga dili kapuyo sa ilaha, mao kini sila ang nagdala sa virus.

Sa miaging mga adlaw, nag viral kadtong pag Sinulog sa usa ka sitio sa Brgy. San Nicolas, ug ning bag-o sab, dunay kalingawang nahitabo sa usa ka kapilya diha sa Brgy. Calamba. Parehong paglapas sa health protocols.

Sa nahitabo, daw ilang gikompirmar nga tinuod ang paghingalan ni Duterte nga mga “gahi’g ulo ang mga taga Cebu.” Tinuod dako og tulobagon ang mga lokal nga opisyales niini, partikular na ang mga barangay officials, apan dili naman unta gyud kinahanglan pang ipaagi sa pwersa ang pagpatuman sa health protocols kun ang mga tawo mismo maoy mosunod ug maghunahuna sa ilang kaluwasan.

Kagahapong adlawa, Hunyo 30,2020 gipahibalo sa Cebu City Health Department nga dunay 350 ka bag-ong natalang kompirmadong kaso sa siyudad. Makapahiubos ug makapalagot kaayo kini nga balita.

Hinuon, kaning mga bag-ong mga positibo sa virus posibleng sa nakalabay’ng semana pa kini sila nangataptan dihang wa pa pahugti ang protocols, pagkanselar sa quarantine passes ug pagmando sa mga barangay officials nga maoy mopatuman sa health protocols, pagbutang og dugang mga polis.

Basin adunay maayong kausaban nga mapaabot sa sunod semana niining mga kausaban.

Naa ra gyud kini sa mga tawo ug sa barangay officials ang solusyon. Kun maninuod lang sila pagsunod sa health protocols, maundang gyud kining pagtakodtakod diha sa ilang lugar.

CEBU CITY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with