EDITORYAL - Leksyon sa COVID-19
(Banat) - June 30, 2020 - 12:00am

Mga lugar nga gipaubos na sa general community quarantine nabantayan nga hinayhinay nagsaka ang mga kaso sa novel coronavirus disease (COVID-19) tungod gihapon sa mga tawong nagkompiyansa.

Nagpasabot lang nga magpabilin na kining sakita sa kalibotan hangtud nga walay bakunang makasanta niini. Tungod sa kapeligro niini, dako kaayong kausaban sa kinaiya sa tawo karon ug sa mosunod nga henerasyon ang maobserbahan.

Kadtong mga tawong mahiligon sa pagsige og laag-laag mapurga pagsige og pundo sa balay. Peligro hinuon kini sa mga tawong daan ng may gihambing problema tungod kay mosamot ang ilang depresyon tungod sa kakulba, kahadlok, ug kawalay kasigurohan. Kun ang Pilipino naila sa pagkamaabi-abihon ug maatiman sa mga bisita, karon mausab na. Mawagtang na ang kaniadto init nga pagtagad para sa mga bisita ug dali-dalion na ang pagpapauli kanila o ba kaha, ang mga tawo magpangikog na pagduaw bisan sa ilang mga suod nga higala.

Daghang kausaban nga makita sab diha sa mga nagkadaiyang mga establisamento, mga kompanya, bisan gani sa mga buhatan sa gobiyerno tungod tungod sa COVID-19.

Ang pagpahigayon og mga kalingawan nga diin magtapok ang mga tawo ilabi na kun pista, kasal, lubong sa minatay, bunyag, ug uban pa dili na mausab pa karon.  Kaning new normal nga karon wala pa kaayo masabti sa mga tawo tungod kay layo kaayo kini sa ilang namat-an ug gidak-an. Apan sa kadugayan mamahimo ra unya kining ordinaryong tamdanan sa tanan dala sa kahadlok nga matakdan og COVID-19.

Kini tungod kay makat-onan naman sa tanan nga mahimo ra diay nga wala kining maong mga kalingawan, nga di kinahanglang mogastos og dagko. Apan subo para sa mga tawong naanad sa luhong kinabuhi tungod kay wala man sila maanad.

Ang nakanindot nga leksyon nga gitudlo sa COVID-19 sa tawo mao ang pagpuyo nga simple basta dili lang kalimtan sa tanan ang pagtuman sa mga health protocols alang sa ilang kasigurohan.

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with