Sistema ning panahon sa Pandemya
MGA LAMAS SA KINABUHI - Fr. Rey Cui (Banat) - June 30, 2020 - 12:00am

Samtang nagkaon ko akong sud-an itlog ug samtang gihigop ko ang kape. Akong nadunggan sa programang Arangkada ni Leo Lastimosa ang kabahin sa mga tawong naproblema intawon sa Quarantine Pass. Niangkon si Sir Leo nga kuwang pa gyud ang gidaghanon sa Quarantine Pass sanglit gi-collate pa tingali ang total number sa household sa tibuok dakbayan. Mao nga hangtud karon wala pa makompleto ang quarantine pass.

Lisud kini alang sa mga Sugbuanon ug labaw na nga lisud alang sa ekonomikanhong kinabuhi sa tanan. Wa pa gani labot niini kun unsaon pagpakigharong sa mga panginahanglan sa atong mga senior citizens ingon man ang panginahanglan sa mga tawo nga na stranded o mga LSI kun Localized Stranded Individuals. Ang paagi sa pagbayad sa mga balayronon ug uban pang transactions kun kuwang ang transportation? Paigo ra ba ang pag-ampo?

Sa akong yanong panabot kini unta ang angayang buhaton:

1. Sa wala ipa isuspenso ang Karaang Quarantine Passes nagprinta unta sila daan alang sa pang apod apod.

2. Ipatawag ang mga kapitan aron gawas sa paghatag kanila og instruction kalabot niini ang mga kapitan mo-submit sa forms diin napatik ang gidaghanon sa household sa ilang barangay.

3. Aron mas mapadali ang identification sa mga household I mobilize ang mga purok leaders sanglit sila man ang dunay mas suod nga kasayoran sa mga households nga sakop sa ilang purok. Mas maayo man gani nga sila na lang ang modistribute usa ka Q pass matag household.

4. Aron mas mapadali ang pagprinta ang city government mo mobilize sa mga nagkadaiyang printers nga makatabang ug aron ma uniform kini dunay standard design o templete nga himoon diin pirmado kini sa mga in charge ug dunay silyo sa dakbayan. Matag barangay dunay kaugalingong code ingon man color aron dili magamit sa uban.

5. Aron ma kontrol ang gidaghanon sa mga tawo ingon man ang bul-og sa trapiko ang mga matag barangay ingon man ang mga color coding nga sakyanan dunay kaugalingong adlaw sa paggawas ug paghimo sa mga transaksiyon. Sama pananglit ning mosunod:

Barangay

Color Code

Code No.

Day

Time

Mabolo

Red

01

Monday

8AM-8PM

Gudalupe

Blue

02

Tuesday

Same

Labangon

Yellow

03

Mahusay. Wednesday

Same

Lahug

Violet

04

Thursday

Same

Note: Ang gamiton niining color coding mao ang mga stickers nga dunay marka sa selyo sa city government ug kinahanglang lukaton ngadto sa city government aron dunay resibo. Panahon sa inspection ipakita ang resibo aron mas seguro. Ang proceeds sa maong mga stickers magamit pa sa pagtabang sa katawhan nga nagkinahanglan.

6. Ang maong color coding scheme mahimong ma apply usab sa mga sakyanan nga mobiyahe. Nga sa ato pa matag barangay ang hatagan og kaugalingong adlaw sa paghimo sa ilang mga buluhaton. Matag barangay o sakyanan dunay kaugalingong turno ug ang dili pa nila turno ang kinahanglang hipos lang una sa ilang tagsa tagsa ka mga panimalay.

7. Lainon og color code ang mga frontliners ingon man ang mga trabahante alang sa mga essential services ug kadtong giisip nga dili kaayo mahinungdanon ang kinahanglang magpabilin sa panimalay.

8. Mas maayo nga dunay mobile store diin mamaligya og mga basic needs nga gisulod nang daan sa bulsita nga mao na lay paliton sa mga katawhan aron malikayan ang pagpunsisok sa mga malls.

Ug unta hinumdoman sa atong kadagkuan nga ning panahona dili lang kay q pass lang ang problema nga atong gisagubang. Unta makita pud unta ang mental health situation sa atong mga kaigsuonan. Kay stressful ang kinabuhi karon ug dili tanang tawo ang makaatubang niini. The more kita mahugpaan sa mga problema the more ang kadaghanan maaborido. Lisud na kaayo. Labina kun matag karon ug unya atong madungog ug masayran ang gidaghanon sa nipanaw natong mga kaigsuonan. Mao  nga sa negatibong pahimangno pagbantay sa PASS. Patay ang Sige’g Suroy -Suroy! Matud pang Padre Ome

COVID-19
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with