EDITORYAL - Makiangayon lang unta
(Banat) - June 29, 2020 - 12:00am

Nagkagamay nalang ang mga tawo ug mga sakyanan nga makita diha sa kadalanan sa Dakbayan sa Sugbo samtang hinayhinay ng gipahigpitan ang enhanced community quarantine tungod sa kadaghan sa kaso sa ilang novel coronavirus disease (COVID-19).

Usa sa nakatampo niini kining pagkanselar sa tanan 250 mil ka mga quarantine passes ug giilisan og QR Coded Passes apan 178 mil nalang ang gipagawas. Hinuon, dili pa tanang barangay naapuran na sa maong mga passes.

Gipaabot nga adunay daghang mangreklamo niini tungod kay mas estriktuhon na ang paggamit sa QR Coded Pass, nakabutang niini ang pangalan, address ug cluster clinics sa tawong makagamit.

Dili kini mahimong ipahuwam sa uban. Apan daghan karon ang naguol tungod kay daghan man ang mga nag-abang lang dinhi sa siyudad ug karon apil sa na lockdown.

Kinsa maoy mopalit para sa ilang pagkaon ug uban pang panginahanglan? Ang gihimong basehanan sa paghatag sa passes mao ang listahan sa barangay nga takdo sa listahan sa naa sa Department of Health.

Karon, unsaon man kadtong mga nag-abang nga wala pay record sa barangay o sa DOH? Dili mahimong dili sila atimanon sa mga otoridad tungod kay dili kini makiangayon.

Sa dili pa unta ipatuman ang paghigpit sa mga barangay, kinahanglang siguraduhon una sa mga barangay officials nga nahatagan o masuportahan nila ang tanan nilang konstituwente.

Kay kun dili nila kini buhaton, duna gyud gihapoy mga tawong manggawas sa balay aron mangita og pagkaon ilabi na kadtong adunay mga anak ug mga senior citizens sa balay, ang resulta mangadakpan.

Sa pagkakaron, daghan pang mga barangay ang wala makapanghatag sa ayudang bugas gikan sa Cebu City Hall, maong daghan na sa mga molupyo ang nagsige og gawas aron pagpangita kun hain na kini hinungdan sab nganong nagdasok ang mga tawo kun diin kini kuhaon.

Dili lang unta kutob sa pag-estrikto sa pagpasunod sa mga health protocols ang buhaton sa mga barangay, kondili ang pagpakita sab og pagpakabana aron ang tanan makalahutay.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with