Si Thelma
ANG DIOS MIINGON - Fr. Rey Cui (Banat) - June 28, 2020 - 12:00am

HUNYO 27, 2020: Ikanapulog tulo nga

Domingo sulod sa tuig

Mga Pagbasa: 2 Mga Hari 4;8-11,14-16a/Sal. 89/Roma 6;3-4,8-11/Mt. 10;37-42

Gabii kadto sa dihang gidapit ko alang sa usa ka yanong salosalo kuyog sa nagsaulog sa iyang adlaw nga natawhan didto sa may Sangi, Alegria.

Paingon na unta kaming nahuman ug moadto na unta ilang Nong Al sa dihang nanawag kanako si Mam Frances Jayno.

Duna diay emergency matud pa ni niya gipangita ko ni Thelma nga taga Balhaan kay lisud na gyud kaayo siya sa iyang kahimtang.

Igsuon siya ni Nong Truman Guardiario ang bana ni Mam Joyce Guardiario.

Tuod man nagkasultihanay kami sa wa pa siya nako hilogi. May pangutana siya: “Nganong sa kadaghan sa mga tawo nganong ako man ang gipaantos pag-ayo!” Pangutana nga lisod tubagon kini tungod kay daghang mga tawo nga nagtarong sa kinabuhi mao man hinuon ang nasugamak sa mga dili tiaw nga pagsulay.

Ako siyang giingnan nga dili gyud tuod perpekto o hingpit ang kinabuhi ug  kabahin gyud niini ang pag-antos.

Ang pag-antos ug pagsakripisyo  ingon nga krus mahimong sabton nato nga resultado gyud sa matang sa pagkinabuhi ngato atong gipili. Matag bokasyon dunay krus nga pas-anon.

Ang krus ingon nga responsibilidad nagkinahanglan man og pagkamakanunayon diha sa paghangop niini.

Usahay man gud makapaluya kini alang kanato. Nahinumdom ko nga dunay post sa FB kalabot sa atong mga medical frontliners. Gipangkapoy na sila, pun-an pa sa giakusang doctor shaming.

Samot kining makapaluya alang kanila busa mahinungdanon kaayo nga mohimo kita sa atong bahin diha sa pagdasig kanila kay simbako kun mawad-an sila og kadasig kinsa naman lang ang moatiman kanato dili ba?

Natural ra pud nga sakripisyo. Kay dili kana tawgon nga krus kun wala ang pagsakripisyo ug pag-antos. Si Thelma ang nipasalig nga iyang ihalad ang tanan niyang pag-antos ngadto sa Ginoo alang sa kaluwasan sa iyang kalag ug sa kalag sa ubang mga tawo.

Tuod man nahanaw ang kabalisa sa iyang panagway ug nihulip ang kalinaw.

Nitalikod ko aron molakaw ug pipila ka mga yugto human siya kahilogi ug ikatugyan, nabugto ang iyang gininhawa ug gilubong siiya nga malinawon. Ang pagsakripisyo diay mamahimong kahimanan sa pagsantos kanato segun sa atong mahimo ug sa atong kahimtang.

DOMINGO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with