Mga sidewalk vendors
AMBOT LANG - Gerry Auxilio (Banat) - June 25, 2020 - 12:00am

Mara og mga tanom nga mitubo daplin sa kadalanan ang mga manindahay. Daplin sa kadalanan makita ang nagkadaiyang baligya nga gidunyang sa mga sidewalk vendors aron mapilian sa mga mamalitay.

Apan inihap na lang ang mga adlaw sa mga side walk vendors sa ilang pagpamaligya daplin sa kadalanan tungod kay gidid-an na sila sa Probe Team nga maoy gitahasan sa dakbayan sa Sugbo sa pagmaintenar sa kahapsay sa kadalanan.

Gipasabot sa Probe nga gidili na ang pagpanggawas tungod sa mando nga stay at home. Gawas ning maong kamandoan ang pagpalit sa mga gikinahanglan.

Sigun sa atong nakita, ang mga gibaligya daplin sa kadalanan mga pagkaon busa essentials o mga gikinahanglan busa nganong did-an man sila sa pagpamaligya.

Ang mga side walk vendors wala man sila manggawas sa ilang mga panimalay aron maglaag-laag. Nanggawas ni sila tungod kay nanginabuhi kay posibling nawagtangan og panginabuhi ning panahon sa pandemic.

Wala gani kita masayod nga kining mga naninda sa kadalanan sa matag barangay mga beneficiaries sa Social Amelioration Program (SAP) sa gobyerno diin ang unom ka libo ka pesos nga ilang nadawat ila gikuhaan og puhonan para gamay negosyo ina kay ilang ihurot sa pagpalit og pagkaon.

Basta panginabuhi maayong suportahan ilabi na nga limitado ang ayuda nga gihatag sa gobyerno ngadto sa labing naapiktohan sa pandemic.

Ang importante ipasunod lang sa mga naninda ngadto sa mga mamalitay ang health protocols nga gipatuman. Unya aron istrikto gayod nga mapasunod ang health protocols dili na tugotan nga makapamaligya og balik ang mga side walk vendors nga dili makabadlong sa ilang mga kustomer. Aron mosunod pod ang mga kustomer dili sila baligyaan kun dili mosunod sa gipatuman nga health protocols. Mas maayo kini kay sa hingpit sila nga didan sa pagpamaligya.

VENDORS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with