ECQ gipili
JAV, BANATI! - Javier Tapulado (Banat) - June 19, 2020 - 12:00am

Dili masabot ang kinaiya sa tawo. Human matagamtami ang kapait nga mabilanggo sulod sa kaugalingong balay tungod sa Enhanced Community Quarantine (ECQ), gusto nga makagawas gilayon sa mga rehas nga nakaali.

Apan imbes magbinuotan ug motuman sa balaod nga naglangkob sa ECQ, nagpabilin ang naandang kinaiya sa pagkabadlungon.

Busa, inay manglugak ang kandado sa ECQ nga maoy makapaabli sa pultahan sa General Community Quarantine (GCQ), ang GCQ nga nasugdan na unta sa pagsinati sa katawhan sugod niadtong Hunyo 1, gibawi ni Presidente Rodrigo Roa Duterte pagka Hunyo 16 ug gibalik pagbalhog ang tanang taga Cebu City ngadto sa ECQ.

Unsaon, imbes mohinay ang pagtinakdanay sa COVID-19, nahimo man hinuong No. 1 atong siyudad sa tibuok Pilipinas. Luoy ang mga nagbinuotan. Kay naangin sa mga masupilon.

Tiaw bay, kitang tanang taga siyudad sa Sugbo mobalik ngadto sa square 1 (ECQ)?

May igo pa kahang pundo ang gobiyerno nga ikahatag og hinabang ngadto sa mga nanginahanglan? Sagad ra ba ining mga badlungon maoy numero unong reklamador. Gobiyerno pay basolon kon sila gutomon.

May nahabilin pa kaha sa panudlanan human sa walay hunong ginastohay sukad niadtong tungatungang bahin sa Marso hangtod karon?

Kahinumdoman, midesisyon si Mayor Edgar C. Labella nga ipaubos sa GCQ ang Cebu City sugod niadtong Hunyo 1 aron makapangabli na ang mga nasirhang negosyo ug sa hinayhinay mobalik nag andar ang makina sa atong ekonomiya. Kini bisan pa sa padayong mga pagmangtas sa COVID-19.

Unta, hisabtan kini sa mga badlongon, kinsa iyang gihangyo nga unta kinasingkasing mosunod sa mga protocol nga naglangkob sa GCQ.

Kay niini lang paagiha nga maablihan ang palid sa Modified GCQ, diin halos tanang negosyo ug hasta mga senior citizens mahimo nang gawasnon.

Apan subo palandungon, nga inay mahumok ang mga gahi, misamot hinuon kagahi. Resulta? Gimando sa presidente nga ibalik ang Cebu City ngadto sa ECQ kay tataw kaayo, nga mas mahal niya ang kinabuhi sa tawo kay sa kinabuhi sa atong ekonomiya.

Ang ekonomiya kon mahugno, makabalik pa sa pagbangon. Pero kon ang tawo mamatay, good-bye! Dili si Tatay Digong ang mipili sa ECQ. Kondili, ang mga kaigsoonan tang badlongon. Unta, lamdagan sa Ginoo ang ilang nasaag nga panghunahuna.

ECQ
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with