Hulagway sa kagahi
AMBOT LANG - Gerry Auxilio (Banat) - June 18, 2020 - 12:00am

Basi sa rekomendasyon sa Inter-Agency Task Force (IATF) gibalik ni Presidente Rodrigo Roa Duterte ngadto sa Enhanced Community Quarantine (ECQ) ang stado sa dakbayan sa Sugbo.

Ang IATF mirekomendar ngadto sa Presidente nga ibalik sa ECQ gikan sa General Community Quarantine (GCQ) ang dakbayan sa Sugbo tungod sa padayong pagsaka sa gidaghanon sa mga nagpositibo sa manakod ug makamatay nga virus.

Sa milabay nga pipila ka adlaw dilli na moubos sa usa ka gatos ang nadugang sa mga nagpositibo sa Corona virus disease 19 (COVID 19) sa dakbayan sa Sugbo. Niadtong Lunes 203 ka mga bag-ong kaso sa COVID-19 ang nadugang sa mga nagpositibo hinungdan nga miabot na ngadto sa 3,814 ang gidaghanon sa mga nagpositibo. Hinuon niining maong gidaghanon 1, 851 na lang ang aktibo tungod kay ang 1, 924 niini naka recover na. Miabot na pod sa 41 ang mga namatay tungod sa COVID 19.

Mangayo og rekonsiderasyon si Mayor Edgardo Labella sa IATF aron ibalik ngadto sa GCQ lamang ang stado sa dakbayan sa Sugbo. Apan ang kahugpongan sa mga doktor sa Sugbo mipahimangno ngadto sa mga hingtungdan nga dili kumpiyansahan ang COVID-19 tungod kay bisan unsa pa ang stado sa siyudad ang virus anaa ra gihapon sa palibot.

Kinsa man ang mabasol sa paghibalik nato sa ECQ?

Balik ta sa ECQ tungod kay nagpadayon ang pagsaka sa COVID-19. Ang pagsaka sa kaso sa COVID-19 hulagway ug replika kini sa pagkagahi og ulo sa mga Sugboanaon ug sa ubang tawo nga nagpuyo niini.

Ang mga hinawayon nag-fiesta sa pagpanaway pero angayan nilang hinumduman nga wala magkulang ang mayor sa pagpahimangno sa katawhan sa pagsunod kanunay sa mga health protocols nga ila lang gibaliwala.

Pahinumdom lang, sa dili pa manaway, atubang sa salamin ug pangutana sa imong kaugalingon kun wala ka ba makatampo sa pagbalik sa dakbayan sa Sugbo sa pagka-ECQ.

KAGAHI
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with