Walay atrasay
JAV BANATI - Javier Tapulado (Banat) - June 15, 2020 - 12:00am

Ania, miresulta na ang ahat nga pagpaubos sa dakbayan sa Sugbo ngadto sa General Community Quarantine (GCQ) sugod sa miaging Hunyo 1.

Bisan og dili pa unta angay – ang sigeg taas sa gidaghanon sa mga natakdan sa COVID-19 kada adlaw.

Mihakot kinig ubay-ubayng pagsaway gikan sa mga Sugboanong nagpakabana, kinsa nakamatikod nga dili usa ka decisive type si Mayor Edgar C. Labella. Kay daw nagpaabot kuno kanunay unsay idiktar sa usa ka somebody, kinsa gustong moapil paghupot ning renda nga gikuptan ni Labella.

Hinuon, opinyon lamang nila kini base sa unsay ilang naobserbaran, kon giunsa pagdala ni Labella ang manobela sa tangke de giyera ning atong pagpakiggubat sa COVID-19.

Usab may mga frontliners nga nakamatngon, nga bisag dili pa unta angay ipaubos sa GCQ ang siyudad sa Sugbo sanglit padayon pa ang daghang pagtinakdanay, napugos lang kuno si Labella, kay maulaw maghunahuna nga samtang ang tanang siyudad sa Sugbo mag-GCQ na, ang iyaha na lang maoy mahabilin.

Sakit paminawon. Pero unsaon? Mao man ni naumol nga pangagpas base sa unsay ilang nakita? Mapugngan ba diay ang mga kasingkasing nga gisakitan?

Sagad kanila, mga middle class, kinsa nawad-an pod og trabaho ug walay nadawat nga hinabang gikan sa gobiyerno panahon sa ilang kalisod.

Sila ang relihiyosong mituman sa tanang protocol nga nalatid sa ECQ ug GCQ kay naghinamhinam nang makabalik sa ilang trabahoan.

Bulahan, aduna nay ikapalit og pagkaon ug ikabayad sa utang.

Apan unsa bay nahitabo? Ning pagsulat, Hunyo 10, sige gihapon ang gatosang pagtinakdanay.

Ug si Mayor Labella ba ang angay basolon? No, dili!  Gibuhat na niya tanan unsaon paghingilin sa COVID-19 aron mahibalik ang unsay nawala kanato.

Kon adunay dapat mahayan, walay lain. Ang black sheep tang kaigsoonan, kinsa puwerting gahiag ulo. Kay unsay ipasunod sa GCQ, gisupak!

Lisod iatras ni Labella ang GCQ balik ngadto sa ECQ o MECQ. Kay sama ra nga gipatay atong ekonomiya. Puslan mang gisugdan ang pagpakigharong sa COVID-19, kinahanglan iyang sungsungon-suklan ang kapintas niini hangtod makab-ot ang bandera sa kadaogan, ang gitinguhang Modified GCQ.

Ug matuman lamang kini kon kitang tanan magkahiusa pagpakigbugno ning misteryosong kagawng mugna sa mga daotan, kinsa gustong maoy mohari sa tibuok kalibotan.

ATRASAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with