EDITORYAL - No backriding batok social distancing
Ian B. Melecio (Banat) - June 3, 2020 - 12:00am

Seryuso gyud ang hulga sa novel coronavirus disease (COVID-19) mao nga hugot nga gipatuman ang social distancing sa publiko aron dili magkatinakdanay.

Apan samtang tuod gikinahanglan kini, daghan ang mialma kun nganong hangtud karon dili pa gihapon itugot ang pag-angkas sa motorsiklo.

Kini bisan pa og halos tanang lugar sa nasud nibalik na og hinayhinay pagpangabli ang mga establimsanto ug kompanya aron motuyok pagbalik ang ekonomiya.

Mamalik na ang mga nanarbaho, apan gisugat sila og dakong problema kay lisud kaayo ang pagsakay tungod kay limitado ra ang gidaghanon sa mga sakyanang gitugot sa gobiyerno nga makadagan.

Dili tanan adunay kaugalingong sakyanan o motorsiklo mao nga nagsalig gihapon sila sa pipila ka lugas nga mga bus, minibus, e-buses nga gihatagan og special permits nga makadagan ubos sa general community quarantine.

Ang motorsiklo dako na kaayo og matabang sa problema sa kasakyan sa mga tawo ilabi na sa mga nanarbaho ug gamit sa panginabuhi sa mga pamilya. Tinuod nga duna gyu'y kahasol nga masinati karong panahona ug nakasabot ang publiko niana, apan dako na kaayo para sa uban nga adunay motorsiklo nga makahatud ang ilang mga kabanay sa trabahoan ug gamit sa panginabuhian.

Makasabot ang publiko nga dili una tugotan ang mga habal-habal o kanang motor taxis kay bisan kinsa may mosakay, apan ang mga pribadong motorsiklo nga paangkasan sa mga kabanay o sa magtiayon, di man tingali mohaom ang tumong sa social distancing.

Dili ba mas luwas ang mga miyembro sa pamilya kun ang ilang sakyan ilaha gyung kaugalingong motor?

Daghan ang wa kauyon sa “no backriding policy” tungod sa rason nga  kinahanglang mag social distancing  tungod kay dili tanang motorsiklo gigamit nga pamasaheroan.  Gigamit kini sa magtiayon, anak, igsuon, ginikanan nga usa rag balay nga ulian diin ang social distancing imposible.

Maayo man kining mga naghimo aning maong palisiya duna may kaugalingong sakyanan. Hunahunaon unta nila ang uban.

SOCIAL DISTANCING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with