Pandemic ug korapsiyon
AMBOT LANG - Gerry Auxilio (Banat) - June 2, 2020 - 12:00am

Tungod sa coronavirus disease-19 nga mikatap sa tibuok kalibotan, gidid-an sa nasudnong kagamhanan sa Pilipinas ang kalihokan sa katawhan apil na ang mga negosyo gawas lang niadtong mga gikinahanglan gayud.

Tungod niini, daghan ang nahunong sa ilang trabaho ug naputlan sa ilang mga panginabuhi nga nakaapekto usab og dako sa ekonomiya. Bisan ang mga adunahan ug tubig-tubigan nangangkon nga naapektohan usab sila.

Tungod sa sitwasyon, ang nasudnong kagamhanan migahin og binilyon nga kantidad sa salapi ug gihatag nga ayuda sa mga labing apektado sa COVID-19.

Tungod kay limitado ang salapi sa gobyerno, bisan ang tanan nangangkon nga naapektohan, ang labi lang gyod nga naapektohan ang gihatagan.

Tungod kay limitado ang ayuda ug sa politika, adunay mga opisyal sa barangay ug social worker nga mipili sa sakop sa ilang pamilya ug mga dumadapig sa politika nga mamahimong makadawat sa ayuda.

Tungod kay gipili lang ang gihatagan og ayuda, daghan ang nagreklamo ug naligo sa mga pagsaway ug pasangil ang mga opisyal sa barangay.

Tungod sa kalagot nga wala makadawat sa ayuda, ilang gipasakaan og kaso ang mga opisyal sa barangay. Sa lalawigan sa Sugbo, mga kapitan ug konsehales sa tulo ka barangay sa tulo ka mga lungsod ang gipasakaan na og kaso. Sa dakbayan sa Lapu-Lapu nag-atubang pod og daghang kaso ang social worker nga mipaapil sa sakop sa iyang pamilya ug hinigugma sa iyang anak sa Social Amelioration Program.

Sa dakbayan sa Sugbo nagplano sa pagpasaka og kaso si konsehal Cocoy Desuyo sa ilang kapitan sa Barangay San Antono tungod sa pagkulata kuno kaniya human niya madiskobrihi nga apil sa nakadawat sa unom ka libo ka pesos nga ayuda ang asawa ni kapitan Abcede ug ang igsoon nining doktor.

Gawas niini, wa kahay mga kalag nga midawat og ayuda gikan sa gobyerno? Wala unta.

KORAPSIYON
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with