New Normal Independence Day
LABTIK - Alan Domingo (Banat) - June 1, 2020 - 12:00am

Unang adlaw karon sa mas luag nga quarantine protocol ilabi na sa dakbayan sa Sugbo nga gipaubos na usab sa General Community Quarantine o GCQ.

Kini bisan pa man og padayon nga nagsaka ang confirmed cases coronavirus o COVID-19 nga miabot na sa kapin dos mil sa kinatibok-an.

Hinuon midaghan usab ang recoveries nga dul-an sa usa ka libo ug mas madugangan kini sa higayon nga mogawas na ang tanang resulta sa reswab test gikan sa laboratory.

Matud sa uban, sugod karong adlawa mao na ni ang “Matira ang Matibay.” Anaa say nag ingon nga “Palig-onay lang ta og Guardian Angel” tungod sa kahadlok nga mokuyanap ang covid tungod kay nibalik man kita sa semi normal human sa kapin duha ka buwan nga lockdown.

Gustoman nato nga ipadayon ang lockdown apan angayan hunahunaon nato nga mao kini ang inanay nga mipatay sa atong panginabuhian.

Makalingkawas ang mga tawo sa coronavirus apan mamatay sa gutom kong dili manginabuhi kay kuwang kaayo ang ayuda gikan sa gobiyerno.

Kong magpabilin ta nga magpaulipon sa kahadlok ug magmokmok sa suok, duha ra ang padulngan magutman ug mabuang.

Samtang pwede pa luwason nato ang atong panginabuhian ato kining himoon aron makasugakod ang tanan, mahimo kini pinaagi sa pagsagop sa new normal, buhaton ang mga security and health protocols.

Sa giingon nga matira ang matibay, walay makaseguro kon si kinsa ang mahabilin o mo-survive sa gubat nga kasamtangan natong giatubang.

Ang bugtong kadangpan nato mao ang kalig-on sa pagtuo ngadto sa Ginoo inubanan sa atong paningkamot nga dili mabuntog sa atong kontra.

Kong excited ang mga tawo nga makaangkon og partial freedom, angayan hinumdoman nga mas excited ang coronavirus nga makighimamat sa mga tawo.

Busa gamiton nato ang atong bala nga mao ang pag-ampo ug pag amping kanunay aron malikay sa kagaw.

Sa Hunyo 12 pa ang Independence Day, hinaut i-relate nato kini sa kasamtangang panahon nga molingkawas kita gikan sa atong kahadlok ug mopadayon sa atong kinabuhi.

Ang kagawasan gamiton nato sa atong pagpakaisog sa pagpanalipod sa matag usa kanato nga mao ang pagtuman sa mga lagda  dili lang gikan sa kagamhanan. Kita mismo ang moasikaso usab sa mga butang nga maghatag kanato og kaluwasan gikan niining naasoyng balatian.

NEW NORMAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with