Gustong ipausab ang apelyido sa anak

Dear Atty. Divine,

Duna koy pangutana labot sa akong anak sa first marriage. Kasal mi sa amahan sa bata apan samtang 1 year old pa ang among anak, namatay ang akong bana tungod sa sakit. Last year naminyo ko og usab ug ang akong anak sa first marriage 5 years old na. Gusto unta sa akong bana karon nga ipausab ang apelyido sa akong anak  ug iyang ipasunod  ang iyang apelyido kay iya man sab giisip nga anak niya ang bata.  Ang akong pangutana kun pwede ba ni nako nga buhaton? Daghang salamat. —Gina

Dear Gina,

Dili mahimo nga ang imong legitimate nga anak mogamit sa apelyido sa iyang stepfather bisan pa kun  mo-file ka og petition sa korte may labot niini posible gyud kini nga ma-deny. Aduna nay nahaunang desisyon ang Korte Suprema labot niini nga diin kini nagkanayon nga ang legitimate child dili mahimong mogamit sa apelyido sa iyang stepfather to avoid confusion ug tungod usab sa legal consequence niini. Matud pa sa Supreme Court nga kun tugutan ang minor de edad paggamit sa apelyido sa ikaduhang bana sa iyang inahan nga dili niya amahan moresulta kini sa kalibog ug kadudahan na hinuon ang legitimate status sa bata. Ang maayong buhaton sa imong bana mao ang pagsagop sa imong anak pinaagi sa pag-file og Petition for Adoption sa korte aron kun ma-grant kini  mamahimo nang usbon ang iyang apelyido gamit na ang apelyido sa imong bana karon. Thanks and God bless. —Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.