Uwan
MGA LAMAS SA KINABUHI - Fr. Rey Cui (Banat) - May 25, 2020 - 12:00am

Ang uwan mahinungdanon kaayo. Gani, ang tubig sa uwan mao may gamiton nato sa pagpatubig sa atong mga katanuman.

Ang uwan kinabuhi ug niadtong gamay pa ako ganahan gyud kong maligo sa uwan ug magdagan dagan ubos sa busagak niini.

Sa laing bahin, ang uwan mahinungdanon kaayo labina kun maghisgot kita og pagtago sa tinud-anay natong emosyon.

Kay diha sa atong pagkaligo ang uwan mahimong motabon sa atong mga luha. Walay masayod sa atong paghilak. Walay makakita sa pait nga atong nasinati kun maghisgot kita og uwan.

Diha sa sikolohiya ang tubig simbolo man sa emosyon sa tawo. Mao nga kun magdamgo ka og tubig angayan nimong hinumdoman kun unsa gyud ang tinud-anay nga dagway niini.

Linaw ra ba kini, samok ba o baluron? O dili ba kaha nalumos ka ba niini? Ning maong paagiha, nahimo ka bang malipayon nga nilangoy langoy sa dagat o suba?

Si Charlie Chaplin dunay panultihon nga nagkanayon: “I prefer to walk under the rain so that no one can see me crying!” si Charlie Chaplin usa ka komedyante apan subo diay kaayo og kinabuhi. Mao nga tugoti ko nga akong himoon ang matag letra sa pulong subo ingon nga sukaranan sa pagpamalandong:

A kun Sala. Ang sala sa tawo maoy nakapahimo usab natong masulob-on labina sa mga higayon nga nahimo kitang halayo sa grasya sa Dios. nahimong uga ang atong kinabuhi, nahimong haw-ang ang atong pagbati.

Unod sa atong kaguol mao man ang mga pagbati nga makapaluya sa matag usa kanato.

B kun bunga sa maong kaguol mamahimo naman nuon kitang mokapyot na lang sa mga hinanaling merkado sa kalipay sama sa inom, droga ug pakighilawas.

O kun Og dili ni sya ang connective nga ug kondili ang pulong og nga nagpasabot og daghang mga posibilidad nga mahitabo sa kinabuhi sa tawo labina kun ang maong tawo nahimong subsob nga nakigharong sa pagbating sakit ug makapaluya.

Ubos kaayo ang atong dangatan sa atong tagsatagsa ka mga pagbati kun anaa kita sa tumang kasubo.

Malisud man tuod alang kanato ang pagkuha sa ingon, nan, mamahimo kitang masaligon nga bisan pa man kun gibiyaan kita sa tanan ang Dios dili gyud mobiya kanato.

UWAN
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with