Iwas-politika lang una ang SAP
BALITAHOM - Atty. Jose Marie N. Poblete (Banat) - May 21, 2020 - 12:00am

Namahayag si DSWD Secretary Rolando Baustista nga ang pagpanghatag sa ikaduhang hugna sa financial assistance gikan sa SAP ipahigayon na sa mga kasundalohan ug kapolisan ug dili na sa mga opisyales sa kagamhanang lokal, segun sa kamanduan ni Presidente Duterte.  Kay maayong tawo man kaha ang Presidente, mahimo mapasaylo niya ang mga mayor ug kapitan apan dili siya hungog nga mosalig kanila pag-usab labi na sa pagdala sa kwarta nga hinabang. Wala lang una’y politika sa SAP. Madahaan!

CHR batok ECQ

Giklaro ni Cebu City Attorney Rey Gealon nga ang pagpasayaw, pag-exercise ug pag-ampo nga gipabuhat sa mga nakalapas sa mga lagda sa ECQ dili matawag nga “niluog, mapintas ug dili makitawhanon” sukwahi sa gipadayag sa Commission on Human Rights. Buot ba sa CHR nga pasagdan lang ang mga badlongon nga magpatuyang sa ilang kabuang samtang ang kadaghanan diniyos nga mituman sa lagda?  Pipila ra kining kanahan nga ilang gilabanan itandi sa kadaghan sa mga tawo nga ilang maperhuwisyo tungod sa ilang pagkakanahan.  Pagkatoytoy!

No work, no pay; no mass, no collection

Mipadayag ang Simbahang Katoliko nga naapektuhan na pag-ayo ang mga parokya diin gipatuman ang mga lagda sa ECQ labi na kadtong nagsalig lang sa koleksyon nga matigum atol sa ipahigayon nga Santos nga Misa.  Nakig-ambas ba ang simbahan sa katawhan? Daghan baya usab sa atong mga kaigsoonan nga mitiyabaw kay walay panginabuhi tungod sa polisiya sa ubang trabahoan nga “no work, no pay”.  Kon nakaagwanta ang atong mga kaigsoonan, ngano’ng dili man ang Simbahan?  Tubag pa sa akong higala, “Langit ra’y nasayod”.  Hala no!

Gi-ECQ na, gi-bbq pa!

Sugod sa 12:01 sa adlaw’ng Miyerkules, Mayo 20, 2020, miaginod na ang Probinsya sa Sugbo gikan sa Enhanced Community Quarantine ngadto na sa General Community Quarantine.  Nagpasabot kini nga aduna na’y pipila ka mga gimbuhaton ug patigayon nga gitugtan na karong higayona. Apan ang dakbayan sa Sugbo, nagpabilin pa nga anaa sa ECQ, ug gani aduna pa’y mga barangay nga gipaubos sa lockdown.  Alang sa mga lumolupyo niining maong na-lockdown nga mga barangay, dili lang ECQ ang ilang nahiaguman. Sama kuno sila sa gi-BBQ tungod sa kahuot sa ilang pinuy-anan.  Faeetz!

Tanan sementeryo ang padulngan

Magpabilin si Police Major General Debold Sinas nga Director sa NCRPO bisan pa sa mga kaso nga gipasaka kaniya.  Matud ni PNP Chief Archie Gamboa nga “lisod mapulihan” si Director Sinas tungod sa mga programa nga iyang giimplementar pagbatok sa COVID-19 Pandemic. Tinuod nga may panultihon nga “Dili maayo mag-ilis og kabayo kon anaa ka na sa tunga sa sapa”.  Apan angayan usab tingale mosuroy si PNP Chief Gamboa sa sementeryo aron makaamgo siya nga walay tawo nga “lisod pulihan” ug ang tanan mopadulong gayod sa lubnganan. Baya no!

SAP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with