Nganong pabilin ang ECQ dinhi?
SAKSAK SINAGOL - Lucky P. Malicay (Banat) - May 20, 2020 - 12:00am

Pabiling gipailalum sa enhanced community quarantine o ECQ ang mga dakbayan sa Sugbo ug Mandaue nunot usab sa rekomendasyon sa Inter-Agency Task Force for the Management of Emerging Infectious Diseases.

Kining kalamboan basi usab sa bag-ong sitwasyon sa COVID-19 sa nasud. Sa nakita sa IATFMED, ang mga dakbayan sa Cebu ug Mandaue maoy bugtong nga mga lugar sa tibuok nasud diin angayan pa nga ipailalum sa ECQ.

Nagpasabot kini nga hangtud sa Mayo 31, padayon ang higpit nga pagkontrol sa kalihokan sa mga molupyo ug mga establisimento sa duha ka dakbayan tungod sa padayong paghusa sa makamatay nga coronavirus disease.

Gani, dinhi sa siyudad sa Sugbo, wala pa nato makita ang klaro nga sinyales nga milurang na ang pagkatap sa maong sakit. Matag adlaw, padayon ang pagpakigkumbati sa lokal nga kagamhanan batok niini. Apan lahi ang mahitabo sa lalawigan sa Sugbo. Sugod karong adlawa, ipailalum na ang tibuok probinsya ug ang siyudad sa Lapu-Lapu sa general community quarantine. Kini basi usab sa rekomendasyon sa task force.

Hinuon, gamay lamang ang mga kaso sa coronavirus sa lalawigan. Maihap lamang sa tudlo ang mga nangataptan niini tungod sa maayong pagdumala sa Kapitolyo. Ug walay rason ngano nga magpabilin pa kini ilalum sa ECQ.

Dinhi sa siyudad sa Sugbo, premature pa kaayo kun libkason ang ECQ. Dili ikalalis nga adunay bag-ong mga kaso ang marekord sa kagamhanan matag adlaw. So, gikinahanglan lamang ang higpit nga pagpakigkumbati sa maong balatian.

Usa usab sa rason niini mao nga wala pa mahuman ang mass testing nga kasamtangang gipatuman dinhi sa lokal nga kagamhanan sa dakbayan, Department of Health ug sa Office of the Presidential Assistant for the Visayas.

Sa akong pangagpas, maayo ang lakang pag-extend sa ECQ sa duha ka dakbayan sa Metro Cebu. Kini gumikan kay pre-mature kun molugak dayon kita sa higpit nga quarantine bisan pa sa padayon nga pagkuyanap sa maong virus. Ang siyudad sa Sugbo maoy usa sa mga lugar sa nasud diin grabe ang pagkuyanap sa coronavirus disease. Ug ang pagkontrolar niini naglangkob sa padayong implementasyon sa estriktong social distancing ug pagpuyo una sa atong mga panimalay.

ENHANCED COMMUNITY QUARANTINE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with