Ang mga senior citizens ug ang COVID-19 pandemic

Sa unang mga adlaw paghimo nang balaud sa RA 9994 kon Expanded Senior Citizens Act  of 2010, dihay mga panahon nga wala mapatuman sa hingpit ang mga gimbut-an niini sama sa paghatag  og mga discounts nganhi kanatong mga senior citizens.

Hinumdoman nga ang RA 9994 napasar ug nahimo nang Balaud niadtong Pebrero 2010, panahon ni Presidente Gloria M. Arroyo. Dihay mga panahon nga moagi pa’g lalis pag-grant sa 20% nga diskwento ug sa 12% nga VAT exemption. Sa ubang mga higayon, dili kita hatagan sa full discounts kon maoy gamiton ang credit card.

Unya, ang ubang mga establishments dili mohatag sa diskwento kon walay OSCA ID, bisan kon makapakita kita’g lain nga ID nga gi-issue sa gobyerno.

Sa una, nakasinati ko sulod sa usa ka kan-anan sa usa ka dakung mall ning dakbayan, wa gyud mohatag og discount tungod kay discounted na kono ang ilang mga pagkaon. Wa na lang ko makiglalis.

Foreign sounding ang ngalan sa tindahan.

Next time, kuyog nako ang OSCA Head, ang OSCA consultant, ug presidente sa usa ka senior citizens association ning dakbayan. Among gisutian ang head waiter nga amo siyang ipatawag inigkaugma aron manubag ngano nga dili sila mohatag og discount.

Iyang gitawag ang head office nila sa Manila, ug tapus sa pipila ka gutlo mobalik siya sa among lamesa, ug gihatag kami’g tukma nga disckwento, dala na ang 12% VAT exemption. Sukad niadto wa na ko mobalik sa maong fast food nga kan-anan.

Hinuon, karon, matud ni Ramon Farolan, sa iyang lindog, “today the senior citizen benefits provided by law are widely observed throughout the nation.” So, wala na ang maong mga problema ug kalibug nga atong nasinati sa unang mga adlaw pagpatuman sa RA 9994.

Apan, matud ni Farolan, adunay laing problema bahin niining mga vitamins ug minerals nga matud pa, wala  kono labut nga kahatagan og discount.

Gikutlo ni Farolan ang particular nga provision sa  implementing rules and regulations (IRR) sa RA 9994 nga nagkanayon: “The 20 percent discount and VAT exemption shall also be granted to the purchase of vitamins and mineral supplements which are medically prescribed by a physician for prevention and treatment of diseases, illness or injury.” Gumikan sa mga reklamo sa mga senior citizens , iyang gisuwatan ang DOH ug ang FDA, Ug tubag ni FDA Director Dr. Kenneth Hartigan  Go: “Food supplements are not considered essential medicines and not covered within the scope of the 20 percent discount. The Office for Senior Citizens Affairs (OSCA) nationwide knows this.”

Unsay komentaryo ni Farolan: “What arrogance! At that time, many OSCAs nationwide were not even aware of the problem and for that matter, many people were not aware of their existence and functions. It was the kind of response from a bureaucratic mind holding a powerful position.”

Maayo man gani, kay gumikan sa coronavirus pandemic, sa televised nga pamahayag ni Health Undersecretary Maria Rosario Vergeire nagkanayon: “Good news for our senior citizens. Vitamins and mineral supplements can now be availed of at 20 percent discount as long as seniors have a prescription from doctors.”