Epicenter?
SAKSAK SINAGOL - Lucky P. Malicay (Banat) - May 13, 2020 - 12:00am

Tungod sa nagsaka nga kaso sa coronavirus disease o COVID-19 dinhi sa dakbayan sa Sugbo, ang siyudad mao ang sentro pagpakig-away sa kagamhanan batok sa maong makamamatay nga sakit dinhi sa Central Visayas.

Gumikan niini, daghan na ang nagkumpara sa mga kaso dinhi sa dakbayan ug sa mga kaso didto sa Quezon City, diin sa pagsugod sa pandemic sa nasud, miarangkada na isip epicenter sa coronavirus sa Pilipinas tungod sa ka daghang kaso nga narekord didto.

Apan tungod usab sa padayong pagsaka sa kaso sa COVID-19 dinhi, daghan ang mikumpara sa siyudad sa Sugbo ug Quezon City. Gani baniog sa social media nga ang Sugbo na ang epicenter sa maong sakit sa nasud tungod kay nalabwan na niini ang Quezon City sa mga kaso.

Hinuon ila lamang gibase ang maong comparison sa rekord sa mga kaso, nga nagpakita nga ang dakbayan sa Sugbo adunay 1,571 ka kaso sa COVID-19 kun i-kumpara sa 1,558 ka kaso nga natala didto sa Quezon City.

Hinuon base kining maong data niadtong Domingo, Mayo 10. Apan klaro nga lansis ang maong comparison.

Kini tungod lagi sa rason nga daghang aspeto ang wala nila tugkara. Mao nang, dakong sayop ug unfair kini alang sa dakbayan sa Sugbo ug mga molupyo niini.

Ania ang ubang rason nganong taphaw ang maong comparison. Ang Quezon City adunay populasyon nga mosubra sa 3.2 milyones, mas tulo ka pilo kun ikumpara sa populasyon sa siyudad sa Sugbo nga adunay usa ka milyon lamang.

Yes, labaw og kaso ang siyudad sa Sugbo kay sa maong dakbayan didto sa kaulohan. Apan ang wala mahibaw-i sa kadaghanan mao nga as of Sunday, adunay 10,376 ang nipailum sa massive testing sa atong dakbayan ikumpara sa 3,000 lamang didto sa Quezon City.

Gumikan lagi sa massive testing dinhi, dili ikalimod nga mas daghan ang nagpositibo sa coronavirus sa atong siyudad. Gani, base sa percentage sa nataptan, ang Cebu City adunay 0.15 percent ikumpara sa Quezon City nga adunay 0.05 percent lamang.

Kini gumikan usab sa 1.02 porsiyento sa kinatibuk-ang populasyon kinsa napailalum sa testing ning dakbayan sa Sugbo. Gani didto sa Quezon City, mokabat lamang sa 0.09 porsiyento sa dakong populasyon niini ang mipailalum sa COVID-19 testing. Mugna lamang niadtong mga nagpaukyab ang nagpunay og kumpara sa siyudad sa Sugbo ug dakbayan sa Quezon. Buta sila sa tinuod nga estatistika mao nang pataka na lamang og yawit kay lagi adunay tinagoang agenda.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with