Kon mag-“new normal” nan didto sa kaulohan

Sa kaulohan aduna nay mga laraw pag-declare og General Community Quarantine (GCQ) ug pag-lift sa enhanced community quarantine (ECQ). Sa ato pa, mag-new normal na sila didto, although dili sa tanang dapit sa Metro Manila, tungod kay aduna pay mga dapit nga  nisiaw pa ang coronavirus pandemic.

Apan, wala kini magpasabot nga ma-normal na ang ilang pag-panglihoklihok didto ug makapatuyang na sila sa buot nilang buhaton.

Dili kini maoy mahitabo kon mag-new normal na sila didto. Gani, kon buot hunahunaon, tungod kay daghan na man unya nga lumolupyo ang manggawas na sa mga panimalay, gikinahanglan ang mas istrikto nga pagpatuman sa mga lagda aron kalikayan ang dugang pagpanakod sa sakit mananakod.

Giingon dinhi, atong kutluon: “ The enforcement arm of the country's COVID-19 task force is gearing up for stricter implementation of quarantine rules even after enhanced community quarantine is lifted in some areas.”

Matud ni Police Lt. Gen. Guillermo Eleazer, pangulo sa Joint Task Force Cocronavirus Shield (JTF CV Shield), nga kon mag-GCQ na sa pipila ka dapit didto sa kaulohan, nagpasabot kini og mas “heightened police visibility.” So, gikinahanglan ang mas daghang kapolisan ang ipakatap sa kadalanan.

Ug ilang panghingusgan ang contact tracing, diin matud pa: “No more warning before arrest under tighter ECQ. “

Dugang ni Eleazer: “Under GCQ, more establishments will be allowed to operate because our economy will be partially opened. This means that more people would be allowed to go out so our police visibility must be in these areas in order to strictly implement the basic rules such as wearing of face masks and physical distancing.”

So, tungod kay buksan na ang pipila ka patigayon, ug tungod kay daghan na ang manggula gikan sa ilang mga pinuy-anan, mas gikinahanglan ang pagpatuman sa mga quarantine rules sama sa pagsul-ob sa face mask ug sa physical distancing.

Kita dinhi sa ato, kanus-a kaha ta ma-new normal no? Angay hunahunaon nga usa sa makapakgang niining kagaw nga mananakod,  mao ang disiplina ug pagahumok sa kagahi sa atong mga ulo.

* * *

Humiity kono unites us. Kini matud ni Amb. Babe Romualdez sa iyang column sa Philippine Star.

Matud niya, usa sa atong nakat-unan gikan sa coronavirus pandemic mao kining atong  pag-angkon ug pagka-amgo nga ang kinabuhi lumalabay lamang. Unsa man konoy atong giisip nga labing mahinungdanon nga kinahanglan atong maangkon? Kwarta? Gahum? Kadungganan? Influensiya? Ug kon sa higayon nga hulgaon na kita sa kamatayon, ang money, power, fame, ug influence, nga atong gipaningkamotan, become irrelevant and immaterial.

So, kining nahitabo karon sa atong nasud nakapa-humble ug nakapa-unite natong tanan.

Dugang ni Babe: “This vicious virus does not make distinctions on whether you are rich, poor, ordinary or powerful. As a matter of fact, it can even wipe you out financially.”

So, kining virus nga nakahimo na’g dili tiaw nga kadaot sa atong panglawas ug nakakalas na’g daghang kinabuhi, dili mag-agad sa kahimtang pinansiyal sa buot takboyan niini, kabus o adunahan, gamhanan ug dungganan o huyang ug yanong lungsoranon.

So, tapus niining tanang kaguliyang, magpabilin kitang magpaubsanon ug mapahiusahon

alang sa tingusbawan natong tanan.