Scientific ba ang Rapid Test
AMBOT LANG - Gerry Auxilio (Banat) - May 7, 2020 - 12:00am

Gisugdan na kagahapon ang Rapid Testing sa dakbayan sa Sugbo, Mandaue ug Lapu-lapu. Tumong sa Rapid test ang pagsuta sa konkretong basihanan aron mapakanaug sa tulo ka dakbayan ang estado niini gikan sa Enhanced Community Quarantine ngadto na sa General Community Quarantine.

Niadtong Lunes ra unta sugdan ang Rapid Test apan nauktaba kini tungod sa pipila ka mga concerns ilabi na sa mga opisyal sa barangay. Nagtuo man god ang pipila ka opisyal sa barangay nga magbonga og diskriminasyon ang Rapid Test ngadto sa mga gi-test.

Puntarya sa testing ang napulo ka porsiyento sa mga pamilyang nagpuyo sa tulo ka dakbayan nga ibasi sa random sampling nga gikuha sa updated check up record sa Barangay Health Center ug sa ilang mga City Health Offices.

Ang lista gikan sa mga barangay tigumon ug ipaubos kini sa Random Number Generator. Ang pangalan nga anaa sa lista mao kini ang nag representar sa matag pamilya nga giila pinaagi sa Random Number Generator.

Bisan kinsa nga sakop sa pamilya puwede nga moboluntaryo sa iyang kaugalingon nga maoy magpa-testing. Buot ipasabot, wala kinahanglana nga ang pangulo gayud sa pamilya ang testingan.

Ang random sampling nga gikuha sa updated checkup record sa mga Barangay Health Centers ug City Health Offices nga gipaubos sa Random Number Generator gituyo aron ang mga naila nga pamilya una ug tarong nga mapahibalo sa mga Barangay Health Workers mahitungod sa tumong ug tuyo sa Rapid Test ug sa proseso nga ilang maagian sa pagpahigayon na unya sa test.

Basi kini sa pagpasabot ni Assistant Secretary Jonji Y. Gonzales sa Office of the Presidential Assistant for the Visayas nga maoy nagpasiugda sa Rapid Testing uban sa tulo ka mga Local Government Units.

Seguro scientific ang resulta sa Rapid Test pero dili pod nato mapadaplin ang gituohan sa mga opisyal sa barangay nga gimugna sa test.

RAPID TEST
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with