2-anyos naapil sa lista sa SAP

Usa ka amahan sa Barangay Apas sa dakbayan sa Sugbo ang naghinamhinam nga maapil sa ayuda gikan sa atong kagamhanan ilabi na sa Social Amelioration Program o SAP.

Apan naminghoy siya tungod kay na-disqualify man isip benipisyaryo sa SAP kay lagi duna kini trabaho ug dili usab kuno kasado matud niya.

No work no pay, siya human nagtemporaryong nagsira ang iyang gitrabahoan tungod sa krisis mugna sa COVID-19.

Dili lang ang isyu sa iyang wala pagkaapil sa SAP kondili ang isyu sa iyang dos anyos nga anak kansang ngalan naapil man sa listahan sa SAP.

Medyo naghatag og paglaum sa amahan ang pagkaapil sa ngalan sa iyang anak nga basin ma reconsider siya nga makadawat sa SAP kay naapil man ang iyang anak.

Apan sa samang higayon nakuyawan siya nga basin magamit ang ngalan sa iyang anak sa posibleng tinonto.

Giklaro sa barangay official nga bisan og ang mga barangayfrontliners ang mipahigayon sa profiling, ang tagtungod sa bata man ang naglista sa ngalan niini.

Posible usab nga dunay technical error sa encoding sa mga ngalan sa mga molopyo sa barangay hinungdan nga mitumaw ang ngalan sa bata sa listahan.

Apan gipaniguro sa kapitan sa barangay Jingjing Cabigon nga walay trampas ang nahitabo kay segurado man nga dili makadawat ang bata bisan naa kini sa listahan.

Kini tungod kay aduna may proseso ug mga dokumento nga isumiter ayha maapil gyud sa DSWD ang mga deserving residents.

Gawas pa ang DSWD maoy mohukom kinsa ang mahatagan base sa ilang evaluation.

Supporting role ra ang baranggay sa iayi sa SAP distribution, gani yangongo sa mga opisyal sa baranggay nga bisan gustohon nila maaporan ang tanang pobre sa ilang dapit apan dili mahimo kay limitado ra ang gahin nga gikinahanglang mohaum sa lagda sa DSWD.

In fairness sa DSWD gihimo nila ang ilang mahimo apan kuwang ug dili kaigo tungod kay kuwang ang ilang resources ug manpower busa nagkinahanglan sila og suporta sa baranggay.

Diniyos man ang serbisyo sa DSWD apan gikinahanglan nilang susihon kon si kinsa kining mga nakabutang sa lista.

Naay mga maayo og kabutang nga nakadawat samtang ang silingan nga walang wala gyud ang walay nadawdaw sa SAP.

Siguro dinhi kinahanglan motug-an sa tinuod ang uban nga kondili sila haum modawat sa SAP ayaw nalang ug ipalabi nalang kini ngadto sa mga mas nagkinahanglan.