Mga bayranan sa pagtransfer sa yuta

Dear Atty. Divine,

Ang akong mama gitanyagan og yuta sa among silingan. Interesado sab akong mama mopalit niini kay farm land man unya titulado.

Ang akong pangutana kun kinsa may dapat mogasto sa pagpa-transfer niini, ang buyer ba o ang seller? Unsa may mga bayranan sa pagpa-transfer niini? Daghang salamat.

Gino

* * *

Dear Gino,

Kun i-process na ninyo ang pag-transfer kinahanglan nga bayran niini ang Capital Gains Tax ug Documentary Stamp Tax sa BIR.

Ang bayrunon sa Capital Gains Tax, 6% sa selling price or zonal value samtang ang Documentary Stamp Tax, 1.5% sa  selling price or zonal  value whichever is higher. Lain ninyong bayranan mao ang Transfer tax sa Assessor’s Office alang sa pag-transfer sa Tax Declaration ug ang katapusan ninyong  bayran mao ang registration fee ug issuance sa new title sa Register of Deeds. Ang bayranan sa BIR usually, ang seller ang mobayad niini but depende sab kini sa sabot sa buyer ug seller kay and ubang seller ilang ibaligya sa mas ubos nga presyo apan net ang iyang dawaton, buot ipasabot nga ang buyer maoy iyang pabayron sa  tanang gastuhan sa pag-transfer lakip na ang sa BIR. Busa sa dili pa paliton sa imong mama ang property mas maayong magsabot una sila sa seller labot sa mga bayranan sa pagpa-transfer. Thanks and God bless.

Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.